18. september er 261. dagur ársins (262. á hlaupári) samkvæmt gregoríska tímatalinu. 104 dagar eru eftir af árinu.

• 96 - Nerva varð Rómarkeisari.
• 1180 - Filippus 2. varð konungur Frakklands.
• 1345 - Andrés hertogi af Kalabríu var myrtur í Napólí.
• 1499 - Vasco da Gama sneri aftur til Lissabon úr fyrstu siglingunni til Indlands.
• 1544 - Karl 5. keisari og Frans 1. Frakkakonungur sömdu um frið, en stríð milli Frakka og Englendinga hélt áfram.
• 1598 - Toyotomi Hideyori tók við völdum í Japan.
• 1699 - Haldið var brúðkaup í Skálholti er Jón Vídalín biskup gekk að eiga Sigríði Jónsdóttur frá Leirá. Í brúðkaupinu voru 23 prestar.
• 1787 - Friðrik Vilhjálmur 2. Prússakonungur náði borginni Dordrecht á sitt vald og batt enda á lýðveldið.
• 1805 - Sala vísnakerlinga á skildingavísum var bönnuð í Danmörku.
• 1810 - Sjálfstæðisdagur Chile.
• 1814 - Vínarfundurinn hófst í Austurríki.
• 1851 - Dagblaðið The New York Times var stofnað.
• 1872 - Óskar 2. varð konungur Svíþjóðar.
• 1885 - Landsbanki Íslands var stofnaður.
• 1911 - Lestrarfélag kvenna var stofnað í Reykjavík.
• 1918 - Hollenskar konur öðluðust kosningarétt.
• 1931 - Mukden-atvikið í Mansjúríu gaf Japönum átyllu til þess að ráðast á Kína.
• 1935 - Sovétríkin gerast aðilar að Þjóðabandalaginu.
• 1944 - Síðari heimsstyrjöld: Bandamenn réðust inn í borgina Eindhoven.
• 1946 - Lögþing Færeyja lýsti yfir sjálfstæði eyjanna í kjölfar þjóðaratkvæðagreiðslu.
• 1968 - Knattspyrnukappleik Vals gegn portúgalska liðinu Benfica lauk með markalausu jafntefli. Áhorfendur voru 18.243 og var það vallarmet.
• 1973 - Vestur-Þýskaland, Austur-Þýskaland og Bahamaeyjar urðu aðilar að Sameinuðu þjóðunum.
• 1975 - Sportbátafélagið Snarfari var stofnað í Reykjavík.
• 1975 - Patricia Hearst var handtekin í San Francisco.
• 1977 - Bandaríska skútan Courageous undir stjórn Ted Turner sigraði ástralska áskorandann í Ameríkubikarnum.
• 1981 - Franska þingið afnam dauðarefsingu.
• 1983 - Bandaríska hljómsveitin KISS kom í fyrsta sinn fram án andlitsfarða á MTV.
• 1984 - Kröflueldum lauk, en þeir höfðu staðið frá 1975.
• 1984 - Joe Kittinger komst fyrstur yfir Atlantshafið í loftbelg.
• 1990 - Liechtenstein gerðist aðili að Sameinuðu þjóðunum.
• 1992 - Danska bókamessan BogForum var sett í fyrsta sinn í Kaupmannahöfn.
• 1996 - Norðurkóreskur kafbátur af Sang-O-gerð strandaði við Suður-Kóreu. Áhöfnin var skotin til bana af suðurkóreska hernum.
• 1997 - Bílsprengja á vegum Al-Kaída sprakk í Mostar í Bosníu og Hersegóvínu.
• 1999 - Íslenska sjónvarpsstöðin PoppTV hóf göngu sína.

• 2001 - Miltisbrandsárásirnar 2001: Bréf með miltisbrandsgróum voru send til sjónvarpsfréttastofanna ABC News, CBS News, NBC News og dagblaðanna New York Post og National Enquirer.
• 2005 - Stríðsherrar Norðurbandalagsins fögnuðu sigri í þingkosningum í Afganistan.
• 2012 - Sænski sjónvarpsþátturinn Uppdrag granskning sagði frá greiðslum frá Telia Sonera til skúffufyrirtækis á Gíbraltar sem tengdist Gulnöru Karimovu, dóttur forseta Úsbekistan.
• 2014 - Skotar felldu í þjóðaratkvæðagreiðslu aðskilnað frá Bretlandi.
• 2015 - Upp komst um aðferðir bílaframleiðandans Volkswagen til að blekkja mengunarpróf díselbíla.
• 2016 - Sprengjuárásirnar í New York og New Jersey 2016: Nokkrar sprengjur fundust á lestarstöðinni í Elizabeth (New Jersey).

• 53 - Trajanus, rómverskur keisari (d. 117).
• 1505 - María af Austurríki, drottning Ungverjalands og Bæheims og ríkisstjóri Niðurlanda (d. 1558).
• 1709 - Samuel Johnson, enskur rithöfundur og orðabókarhöfundur (d. 1784).
• 1752 - Adrien-Marie Legendre, franskur stærðfræðingur (d. 1833).
• 1786 - Kristján 8. Danakonungur (d. 1848).
• 1905 - Greta Garbo, sænsk leikkona (d. 1990).
• 1908 - Viktor Ambartsúmjan, sovéskur vísindamaður (d. 1996).
• 1939 - Jorge Sampaio, fyrrum forseti Portúgals (d. 2021).
• 1944 - Tsuyoshi Kunieda, japanskur knattspyrnumaður.
• 1953 - Toyohito Mochizuki, japanskur knattspyrnumaður.
• 1954 - Einar Már Guðmundsson, íslenskur rithöfundur.
• 1956 - Tim McInnerny, enskur leikari.
• 1962 - James Gandolfini, bandarískur leikari (d. 2013).
• 1964 - Masami Ihara, japanskur knattspyrnumaður.
• 1968 - Skúli Mogensen, íslenskur athafnamaður.
• 1971 - Lance Armstrong, bandarískur atvinnugötuhjólari.
• 1974 - Sol Campbell, enskur knattspyrnumaður.
• 1975 - Jason Sudeikis, bandarískur leikari.
• 1976 - Sophina Brown, bandarísk leikkona.
• 1976 - Ronaldo, brasilískur knattspyrnumaður.
• 1977 - Barrett Foa, bandarískur leikari.
• 1977 - Steinunn Þóra Árnadóttir, íslenskur stjórnmálamaður.
• 1979 - Junichi Inamoto, japanskur knattspyrnumaður.
• 1983 - Yuzo Kurihara, japanskur knattspyrnumaður.
• 1989 - Annie Mist Þórisdóttir, íslensk íþróttakona og heimsmeistari í Crossfit.
• 1998 - Christian Pulisic, bandarískur knattspyrnumaður.

• 96 - Dómitíanus, Rómarkeisari (f. 51).
• 1137 - Eiríkur eimuni, Danakonungur.
• 1180 - Loðvík 7. Frakkakonungur (f. 1120).
• 1361 - Lúðvík 5., hertogi af Bæjaralandi (f. 1315).
• 1663 - Heilagur Jósef frá Copertino (f. 1603).
• 1783 - Leonhard Euler, stærðfræðingur (f. 1707).
• 1872 - Karl 15. Svíakonungur (f. 1826).
• 1898 - Brynjulf Bergslien, norskur myndhöggvari (f. 1830).
• 1911 - Pjotr Stolypin, forsætisráðherra Rússlands (f. 1862)
• 1924 - Francis Herbert Bradley, breskur heimspekingur (f. 1846).
• 1961 - Dag Hammarskjöld, fyrrum aðalritari Sameinuðu þjóðanna og handahafi friðarverðlauna Nóbels (f. 1905).
• 1970 - Jimi Hendrix, bandarískur gítarleikari (f. 1942).
• 1970 - Pedro Cea, úrúgvæskur knattspyrnumaður og þjálfari (f. 1900).
• 2002 - Stefán Hörður Grímsson, íslenskt skáld (f. 1919).
• 2009 - Irving Kristol, bandarískur blaðamaður (f. 1920).
• 2020 - Ruth Bader Ginsburg, bandarískur dómari (f. 1933).