Era prononciacion qu'ei [bat'sèra] (grafia fonetica deths autors). Eras fòrmas ancianas que son : A Bad Cera, cap a 1200-1230, Homines de Vallesserra, en latin, en 1300, De Batsera en 1313, de Bodeserra, en latin, en 1379, Batxère (mapa de Cassini, ara fin deth sègle XVIII)[1].
Segon Dauzat, Vathsèra que vien deth latin vallis, « vath », e benlhèu sèrra; [2].
Segon R. Aymard, eth nom qu'ei format de vath e de sèra (latin cella, granja, priorat)[1].
Segon Miquèu Grosclaude, era prumèra partida deth nom que sembla vertadèrament estar vath. Era segonda partida qu'ei escura. Pòt pas estar sèrra, pr'amor era vath dera sèrra ei absurde, nimei cèra (latin cella), « eth monastèri dera vath », pr'amor dera inversion de l'òrde determinant-determinat, impossibla en gascon. Boisgontier que pensava a un adjectiu femenin arcaïc desconeishut[1]. Pòt pas tanpauc estar Cera, nom celtic d'aiga, pr'amor dera vocala (era aiga qu'ei Arròs).
Que i a a quauques km en amont (comuna de Bulan o de Lomner), un Cap det Bat, det Bat e pas dere Bat; qu'ei en suspart d'Arròs, mes pas ath cap d'un arriu.
Comunas dethsHauts Pirenèus en Gasconha (comunas actualas, comunas que caupon de comunas delegadas, ancianas comunas, ancianas comunas vengudas comunas delegadas)
_1.jpg)
.svg)
_4.jpg)
.svg){kind=small}
