Era prononciacion qu'ei [léch'pwéy] (grafia fonetica deths autors). Eras fòrmas ancianas que son : Laspui ath sègle XII o XIII, W. A. de Laaspoi en 1251, en A. R. de Laspoei en 1285, en Iagme de Laaspoey en 1296, Arnaldus de Lanaspoy en 1300, Laspuey en 1313, De Laspodio, en latin, en 1342, Laspoey en 1429, Lespouey (mapa de Cassini, ara fin deth sègle XVIII), Lespouy en 1790[1].
Segon Dauzat, Lespuei que vien benlhèu deth article les e latin podium, « puei »[2].
Segon Negre, Lespuei que vien benlhèu deth gascon lesc, « distinguit, prim » e -puei. Segon R. Aymard, Lespuei qu'ei L'es pouey, deth latin ipso podio[1].
Segon Miquèu Grosclaude, Boisgontier qu'avèva rason de trobar estranhas eras explicacions (eth article inventat de Dauzat, eth redoblament d'article d'Aymard, era idèa gratuita de Negre). Era fòrma de 1300 (Lanaspoi) e eras autas fòrmas en Las- o en Laas- que donan era explicacion : eth gascon lana, ath plurau, associat a puei. Quan lana ei eth prumèr element d'un nom compausat, qu'ei sovent contractat : lana longa > Lalonga, lana lonqueta > Lalonqueta, lana major > Lamajor[1] (aplologias).
Istòria
Aquesta seccion es voida, pas pro detalhada o incompleta. Vòstra ajuda es benvenguda !
Comunas dethsHauts Pirenèus en Gasconha (comunas actualas, comunas que caupon de comunas delegadas, ancianas comunas, ancianas comunas vengudas comunas delegadas)
_1.jpg)
.svg)
.svg){kind=small}
