Sent Palai

Sent Palai; Saint-Palais
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
	La glèisa de Senta Maria Magdalena
	Geografia fisica
Coordenadas	43° 19′ 45″ N, 1° 01′ 57″ O
Superfícia	7,44 km²
Altituds; · Maximala; · Minimala	; 263 m; 52 m
	Geografia politica;
Region istorica	Baisha Navarra ;
Estat	França;
Region; 75	Nòva Aquitània ;
Departament; 64	Pirenèus Atlantics ;
Intercom; 246401616	Comunautat d'Aglomeracion País Basco;
Cònsol	Jean-Jacques Loustaudaudine (2014-2020)
	Geografia umana
Populacion; Populacion totala; (2013)	1 854 ab. Evolucion de la populacion; 1 988 ab.
Densitat	249,19 ab./km²
	Autras informacions
Gentilici	(en francés)
Còde INSEE	64493

Pels articles omonims, vejatz Palai.

Sent Palai (Donapaleu en basco, Saint-Palais en francés) qu'ei ua comuna deu Bascoat, en Baisha Navarra, situada dens lo País de Micse. Administrativament, que's tròba dens lo departament deus Pirenèus Atlantics e la region de Navèra Aquitània, ancianament d'Aquitània.

Geografia

Las comunas tòcatocantas que son Aicirits-Camon-Suhast au nòrd-èst, Amenduish-Oneis au nòrd-oèst, Behaskane-Laphizketa a l'èst, Veiria a l'oèst, Larribarre-Sorhapürü au sud-èst e Ostankoa e Uhart de Micse au sud.

Istòria^[1]

Au sègle XIII^au, Sent Palai, lo nom de la quau e vien de Palai de Còrdoa, qu'èra ua «vilanava» (iriberri en basco) creada peu rei de Navarra entad atirar e fixar los estatjants dens un "axe de penetracion" de cap au sud. Dotada de las armas reiaus de Navarra, qu'èra ua vila establida lo long de la «carrèra deu Senhor Rei^[2]», l'actuau carrèra deu Palais de Justícia. Deu miei deu sègle XIV^au a la fin deu sègle XVII^au que i batín moneda dens 60 enclumis. Au sègle XV^au, la vila qu'arrecebó lo privilègi d'ua hèra annau e d'un mercat. Uei desapareishut, l'espitau de Santa Magdalena de Larraga qu'arrecebèva los pelegrins ; qu'èra situat dab la soa glèisa parroquiau «a un gèt de balestra», au ras de l'actuau cemitèri. Au començament deu sègle XVI^au, arron de l'invasion de la Hauta Navarra per las tropas aragonesas e castelhanas, Sent Palai que vadó lo sièti de la canceleria de Navarra e deus prumèrs Estats Generaus qui s'amassavan dens la Glèisa de Sant Pau, l'actuau palais de justícia. La Revolucion que batiè la vila «Mont Bidosa» e que'u designè com cap deu districte de la Baisha Navarra.