La prononciacion qu'ei [la'hɔrə]. Las fòrmas ancianas que son Mont-Reyau, en 1352, La Bastide de Mont-Reyau en 1385, La Bastide-Monreyau en 1440, Lahore (mapa de Cassini, a la fin deu sègle XVIIIau) [2].
Ua bastida, deu participi passat femenin deu vèrbe bastir, qu'ei ua petita vila fondada aus sègles XIII o XIVaus, dab franquessas autrejadas aus poblants. Aquera, fondada per Gaston Febus (çò qui hè lo nom estranh pr'amor èra pas rei; atraccion d'ua auta vila ?) s'ei pas escaduda per manca de poblants. Lo nom de bastida ei pas estat conservat en gascon pr'amor d'aquera situacion. Là hòra, en mei de son sens prumèr, que's pòt benlhèu compréner com a despart de la rota principau [3],[2].
.svg){kind=small}