Audejòs (Audejos en francés) qu'ei ua anciana comuna bearnesa administrada peu departament deus Pirenèus Atlantics e la region de Navèra Aquitània, ancianament d'Aquitània. Despuish 1972, qu'ei incorporada a Lac.
Geografia
Toponimia
La prononciacion qu'ei [aude'jɔs]. Las fòrmas ancianas que son Audeyos en 1385, Audejos (mapa de Cassini, a la fin deu sègle XVIIIau) [1].
Gerhard Rohlfs, citat per Grosclaude, qu'explica Audejòs per ua fòrma *Aldenos passada a Aldeos. Que sembla ligat dab un nom Aldene atestat dens ua inscripcion d'Arièja. Aldius qu'ei ua auta possibilitat [1].
Dauzat que torna préner l'explicacion de Rohlfs [2].
Segon Miquèu Grosclaude, Rohlfs e Dauzat son victimes d'ua error de Pau Raimond, qui avè atribuada la fòrma Aldeos a Audejòs au lòc de Audaus. Lo nom que's poderé compréner au dejós, « au devath », çò qui convien topograficament, mès la natura de la vocau finau que s'i opausa. Grosclaude prepausa pas de solucion [1].
Istòria
Despuish lo 1èr de seteme 1972, la comuna d'Audejòs qu'ei incorporada a Lac per fusion-associacion [3]. Segon lo site municipau, la fusion-associacion que vadó fusion simpla lo 21 de març 2014 en tot sauvant un burèu de vòte a Audejòs, mès l'informacion qu'ei au futur [4] e que la caleré verificar.
La comuna de Lac qu'èra deu canton de Lagòr. Quan incorporè Audejòs en 1972, l'anciana comuna que demorè dens lo canton d'Artés [5]. Adara, tot qu'ei dens lo canton d'Artics e País de Seuvèstre.
La comuna que comunica dab lo nom, non oficiau, de Lacq-Audejos [6], qui sembla acceptat a la prefectura [7] : Lac e Audejòs.
Demografia
- En 2017 la populacion qu'èra de 172 abitants.
Lòcs e monuments
Personalitats ligadas dab la comuna
Véder tanben
Ligams extèrnes
Nòtas
- ↑ 1,0 1,1 et 1,2 Michel Grosclaude, Dictionnaire toponymique des communes du Béarn, Escòla Gaston Febus, 1991, p. 58
- ↑ Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 35
- ↑ https://www.insee.fr/fr/metadonnees/cog/commune/COM64076-audejos
- ↑ https://web.archive.org/web/20200115203538/http://www.mairie-lacq-audejos.fr/la-ville/histoire/lhistoire-de-lacq-audejos/
- ↑ http://cassini.ehess.fr/cassini/fr/html/fiche.php?select_resultat=1721
- ↑ https://web.archive.org/web/20200115203533/http://www.mairie-lacq-audejos.fr/contact/
- ↑ http://www.pyrenees-atlantiques.gouv.fr/content/search?SearchText=Audejos&SearchButton.x=12&SearchButton.y=11
.svg){kind=small}
