Las fòrmas ancianas son : Castrum de Limosinis en 1260, Villare de Lemosino en 1262, Decimale Sancti Michaelis de Lemosino en 1269, De Lemosinis en 1544, Terroir de Limosis..., Lemosis en 1611, Limouzis en 1781 [1].
Segon Dauzat, Limosins es un diminutiu de Limós[2]. La situacion sus un planòl plan eissugat empacha d'interpretar lo nom coma un derivat del latin limosus, « fangós ».
Marmorières
Las fòrmas ancianas son : Marmoreriae en 1262, Decimale de Marmoreis en 1269, Marmolières en 1263, Marmorières en 1781 [3].
La fòrma del nom es pas coneguda. La dissimilacion presenta dins l'atestacion de 1263 es probabla çaquelà. Lo nom fa supausar la preséncia anciana d'una peirièra de marme, d'una marmièra, d'una marmolièra. Derivat dirèctament del latin marmor e pas de marme, lo nom testimònia d'una origina anciana.
Istòria
Limosins foguèt parròquia annèxa de Salèlas de Cabardés[1].
Entre 1790 e 1794, Marmorieres (nom francés) foguèt incorporat a la comuna [4]. Marmorières es al nòrd-èst de Limosins. Es una anciana comunautat [3].
.svg){kind=small}
