Las fòrmas ancianas son : Mazirolae en 870, In loco qui dicitur Mazirolas cum ecclesia quae vocatur Sancta Maria en 943, Alos nomines Elanes sive Mazerolas cum ipsa ecclesia S. Maria en 959, Mazeirolae en 975, Masairolae en 1163, Terre de Maseraulas en 1206, Ecclesia de Marassolis en 1319, Apud Maserollas en 1330, Mazerollae en 1347, Villa de Maserollis en 1351, Parochia Beate Marie de Aurisvallibus en 1361, Mazerolles en 1418, Mazerolae de Razezio en 1438, Maserolles en 1665. La prononciacion occitana es Mazerólos[1], dins la grafia de l'abat Antòni Savartés, donc [maʒe'ɾɔlɔs]. Maseròlas es un diminutiu, ambe'l sufixe diminutiu -ola, de masèras, que ven del latin maceriae, « roïnas que datan de l'epòca romana » (segon Dauzat e Rostaing) [2]. Lo Gaffiot pòrta maceria, sense definicion e maceries, « paret de barradura, en pèiras secas » [3] e que prenguèt aprèp lo sens de « bastiments arroïnats », mès a costat d'aquel sens Ernèst Negre dona lo de « entorn de la bòria, granja, bòrda (ostal d'un megièr) » [4]. Mazerolles (nom francés) venguèt oficialament Mazerolles-du-Razès en 1933 [5].
Abans la refòrma cantonala de 2014, aplicada en 2015, la comuna èra del canton d'Alanha; es ara del canton de La Piège-au-Razès (en francés), que se disiá de Bram abans lo 1èr de genièr 2016.
↑Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 455-456, a Mézière (La)
_Hozier.svg)
.svg){kind=small}
