Las fòrmas ancianas son : Paternum in suburbio Petra Pertusense, cum ecclesiis Sancti Petri et Sancti Martini en 805, Ecclesia que vocatur Paterno,... cum ecclesia Sancti Petri en 899, De Paderno en 1119, Castrum de Paderno en 1285, Rector de Padernis en 1351, De Piderno en 1377, Al loc de Padern en 1538, Parderm en 1538, Padern sus la mapa de Cassini, sègle XVIII. La prononciacion occitana es Padèr[1], dins la grafia de l'abat Antòni Savartés, donc [pa'ðɛɾ].
Padèrn ven del nom latin d'òme Paternus (fundum es sosentendut)[2],[3]. Se tractariá donc probablament d'una anciana propietat galloromana qu'aviá per mèstre Paternus.
Molhet
Lòc situat a l'oèst-sud-oèst de Padèrn, dins la ribièra del riu de Cucunhan.
Es un ancian castèl e senhoriá, proprietat de l'abadiá de La Grassa. La glèisa rurala arroïnada, del vocable de Sant Martin, foguèt annèxa de Padèrn. Las fòrmas ancianas son : Molletum en 915, Ecclesia Sancti Martini de Molleta..., villa Molletae en 1119, Ecclesia de Moled en 1125, Villa de Moleto en 1215, Podium de Castlario..., in loco de Moleto en 1257, Castrum de Molleto en 1285, De Maletto al sègle XIII, De Molheto en 1324-sègle XV, Molet al sègle XIV, Annexa S. Martini de Molheto en 1404, Villa Molitum cum ecclesia S. Martini en 1521, Mouillet..., Mouillet, église ruinée al sègle XVIII [4].
Molhet sembla lo fraire dels Mollets de Catalonha. Molhet ven del latin Mollis, ambe'l sufixe collectiu -ētum (etime *Molletum), per un sens de « tèrras grassas e mòlas » [5] tipicas de las ribièras. Aquel etime pausa un problèma : en lengadocian, -ll- > -l- e pas -lh-. Justament, sembla ben que las primièras fòrmas sián *Molet, quitament se los escribas penavan a notar l palatala (lh) e que cal totjorn èsser prudent dins l'interpretacion. Cal supausar un passatge a Molhet per influéncia de molhar ? O lo lengadocian local, plan periferic, coneis la palatalizacion de -ll- geminada, coma en catalan ?
Istòria
Aquesta seccion es voida, pas pro detalhada o incompleta. Vòstra ajuda es benvenguda !
Abans la refòrma cantonala de 2014, aplicada en 2015, la comuna èra del canton de Tuissan; es ara del canton de las Corbièras (canton de Fabresan abans lo 1èr de genièr de 2016).
.svg)
.svg){kind=small}