Las fòrmas ancianas son Villare eremum… que vocant Fontes… in villa Fontejoncosa, en 795 (villa « granda proprietat agricòla » ---> pren pauc a pauc lo sens de « vilatge ») [1], Villare Fontes, en 815, In Fonteginoso = Fontjuncoso, en 992, In Fonte Joncoso, en 1056, Castrum quod vocatur Fonte Joncoso, en 1106, Fontjonquiosa…, Fontjoncoisa, en 1121-1149, Villa de Fontibus seu Sancta Maria de Fonte, en 1127, Funt junchusa, en 1156, Castrum de Fonte Juncoso, en 1157, Fontjonchosa, en 1160, In Fonte Joncoso, en 1161, Font Jancosa, en 1196, De Font Jonchoso , en 1196, Fongoncouze, en 1595, Fontjoncouze, en 1781[2].
Lo sens del nom es « font ont i a de joncs » [3]. Cf. Jonquièras, comuna que tòca Fontjoncosa.
Cadòrque o Cadòrca (nom supausat)
Es una localitat despareguda, auèi tenement rural (seccions A e C), un ancian domeni de l'abadiá de l'abadiá de Fontfreja que s'espandissiá dempuèi Fontjoncosa, le puèg de Montveire (= puèg de Sant Victor) e le terrador de Salabèrt fins al terrador de Durban, un ancian priorat del vocable de Sant Pèire. Las fòrmas ancianas son : Villare quod vocatur Catorcinos en 859, Villa quae vocant Catercino en 963, De Cadorcinis en 1271, De Caturco en 1271, Sainct Pierre de Caturcins en 1201-1500, Cadorces de 1202-1500, etc, Sainct Pierre de Cadourcin en 1639, Saint-Pierre (cadastre de Durban, seccion B)[4].
La mapa pòrta le nom La Cadorque, article recent. Las fòrmas ancianas evòcan dos noms : *Cadorcins e *Cadorque, o *Cadorca (pr'amor de l'article actual).
Istòria
Aquesta seccion es voida, pas pro detalhada o incompleta. Vòstra ajuda es benvenguda !
Abans la refòrma cantonala de 2014, aplicada en 2015, la comuna èra del canton de Durban (caplòc); es ara del canton de las Corbièras (burèu centralizator : Fabresan).
Aquesta seccion es voida, pas pro detalhada o incompleta. Vòstra ajuda es benvenguda !
.svg){kind=small}
