Las fòrmas ancianas son : In comitatu Ratensis, in Festam en 1870, Effesta en 1231, Efesta en 1319, Ecclesia de Effesta en 1347, Esesta = Efesta en 1371, Festa en 1377, Festes en 1594, La commune dite La Bièle, 25 feux en 1807. La prononciacion occitana es Féstos[1], dins la grafia de l'abat Antòni Savartés, donc ['festɔs] (e non pas ['fɛstɔs]).
Segon Dauzat, Festas ven de Festa (villa), del nom latin d'òme Festus[2].
Segon Negre, Festas ven del latin (in)festa (terra), « tèrra malsegura, perilhosa », ambe aferèsi de in, comprés coma la preposicion en; -s finala es tardiva [3].
Sant Andrieu de Festas (nom supausat)
Anciana succursala de la diocèsi d'Alet, après annèxa de Festas. Las fòrmas ancianas son : Sanctus Andreas de Festa en 1134, Ecclesia Sancti Andree de Bessa (del nom del masatge vesin) en 1347, Saint André, 26 feux en 1807[4]. Sant Andrieu representa probablament l'apòstol, mes i a tanben d'autres sants.
Istòria
La comuna se formèt per assemblatge dels masatges de Festas, Sant Andrieu e Beça [1].
Entre 1790 e 1794, segon lo site Cassini de l'EHESS, Sant Andrieu e Festas fusionèron [5].
Abans la refòrma cantonala de 2014, aplicada en 2015, la comuna èra del canton de Limós; es ara del canton de la Région-Limouxine (en francés), donc de la Region Limosenca.
.svg)
.svg){kind=small}
