Las fòrmas ancianas son : La Corteta en 1240, Villa de Curteta en 1277, Villa de Corteta en 1310, Cuteta = Curteta en 1319, In decimario B. Joannis de Curteta en 1322, Ecclesia de Corteca en 1360, Rector de Curteta et Miramonte en 1351, La Cortèta doit et a été inhabitable de cent ans en ça ou environ en 1486-1489, La Cortète en 1594, La Courtète en 1594, La Courtette en 1647 [1]. La Corteta es un diminutiu del latin [tardiu] cōrtem (vengut del latin classic cŏhortem) o benlèu de son resultat corte > cort, ambe'l sens de « domeni, granda proprietat », per l'intermediari del sens de « bastiments centrals de la granda proprietat, de la villa » [2],[3].
Lo Maset
Probablament un diminutiu de mas, del latin mansus, a l'origina « explotacion rurala, bòrda ocupada per un sol tenencièr » [4].
Istòria
Entre 1790 e 1794, Lo Maset (situat a l'oèst de la comuna) foguèt annexat a La Corteta. Que i aja sus 547 ha una parròquia, La Corteta, e una parròquia annèxa, Lo Maset [5], mòstra ben lo pauc d'importància d'aquelas doás comunautats. La situacion d'aquelas comunautats explica la fòrma alongada de la comuna, espandida de l'èst a l'oèst. E coma per azard lors noms son de diminutius.
Abans la refòrma cantonala de 2014, aplicada en 2015, la comuna èra del canton d'Alanha; es ara del canton de La Piège-au-Razès (en francés), que se disiá de Bram abans lo 1èr de genièr 2016.
.svg){kind=small}
