Las formas ancianas son : villa Fictorio en 990 e Castrum de Fitorio en 1271 en latin medieval, Fitor en 1280, en lenga occitana, Rector de Fitorio en 1351, Ficte en 1503, Fitour en 1526, Fictor en 1536, Fyto..., Fitour en 1538, Fitourn..., Fiton en 1589, Saint Julien de Fitour en 1639, Fittou en 1777, Fitou en 1781 [1]. Aqueles toponims semblan ligats al latin*fictorium, diminutiu de ficta (« bòrna »). Ça que la, cal remarcar qur Fitor pòt pas derivar regularament de *fictorio (inatestat) d'un punt de vista etimologic. Existís tanben una autra ipotèsi: que lo nom modèrne venga d'una autra forma diminutiva de ficta: fictonem. Dauzat e Rostaing mençonan las doas ipotèsis e mai se preferisson la segonda [2]. En tot cas, l'ipotèsi de la forma en -n es contradita per las atestacions ancianas que semblan de donar sonque de formas en -r, e non pas en -n[1]. A la seguida de Negre, los Féniés causisson Fictorius, mas coma nom latin d'òme [3],[4].
Abans la refòrma cantonala de 2014, aplicada en 2015, la comuna èra del canton de Sijan; i es demorada, mas lo canton es vengut canton de las Corbièras Mediterranèa, sense cambiar de composicion e Sijan n'es lo burèu centralizator.
↑Albert Dauzat et Charles Rostaing, Dictionnaire étymologique des noms de lieux en France, 2eme édition revue et complétée, Éd. Librairie Guénégaud, 1989, p. 289.
↑Bénédicte Boyrie-Fénié, Jean-Jacques Fénié, Toponymie des Pays Occitans, edicions Sud-Ouest, 2007, p. 128
↑Ernest Nègre, Toponymie générale de la France, 1990-98, vol. I, p. 654, par. 10905
.svg)
.svg){kind=small}