Ramaria sanguinea

Ramaria sanguinea
Sailkapen zientifikoa
ErreinuaFungi
KlaseaAgaricomycetes
OrdenaGomphales
FamiliaGomphaceae
GeneroaRamaria
Espeziea Ramaria sanguinea
Quél., 1888
BasionimoaClavaria sanguinea

Ramaria sanguinea Gomphaceae familiako onddo espezie bat da.[1] Jatekotan ale gazteak bakarrik.

Sinonimoak: Ramaria flava var. sanguinea, Clavaria sanguinea, Clavaria botrytis var. sanguinea.

Deskribapena

Karpoforoa: 10 eta 12 cm bitarteko garaierakoa eta 8 eta 10 cm bitarteko zabalerakoa, oinarri edo enbor zurixka batetik sortzen den masa koraloide baten moduan, adar horixka ugarirekin, ale gazteetan zurbilagoa; kolorerik bizienak muturretan, arrautza gorringo tonuak hartu arte, V formako mutur labur eta kamutsekin, Enbor zuria gorri-odol kolorez zikintzen da, espezieari izena ematen dion ezaugarria.

Himenioa: Anfigenoa, adarren kanpoko zatiari dagokiona.

Haragia: Zuria, ebakitzean kolore gorrixkak har ditzake, zuntzezkoa. Usain nabarmenik gabea eta zaporea ere bai, mikatz samarra adarretan.[2]

Etimologia: Ramaria terminoa, latinetik dator “ramus” hitzetik, adar, esan nahi du. Sanguinea epitetoa ere latinetik dator, odolez, odolez tindatua esan nahi duen “sanguineus” hitzetik.

Jangarritasuna

Apur bat toxikoa purgatzailea delako.[3]

Nahasketa arriskua

Ramaria formosa toxikoak enbor zuria eta mutur hori-okre kolorekoak ditu, baina adarrak izokin kolorekoak. Basidiomaren oinarrian orban gorrixkak dituelako erraza da identifikatzeko.

Sasoia eta lekua

Udan eta udazkenean. Eremu hezeetako pagoen azpian; Pinus sylvestris-en azpian ere ager daiteke, talde handietan. Urria.

Banaketa eremua

Kanada, Ameriketako Estatu Batuak, Mexiko, Europa, Hego Korea.[4]

Erreferentziak

  1. ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza  •   Bizkaiko Perretxiko eta Onddoak, A.D.E.V.E., 2012  •   Euskalnatura  •   Euskal Herriko Onddoak. 5 tomos, Luis García Bona, Kriselv, 1987  •   Catálogo micológico del País Vasco, Aeranzadi, 1973  •   Mendizalearen Hiztegia [mikologia], Ostadar Mendi Taldea.
  2. ↑ (Gaztelaniaz) AVM Asociacion Vallisoletana de Micologia 1986.
  3. ↑ (Gaztelaniaz) Ubillos Javier. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia.
  4. ↑ Ramaria sanguinea: GBIF—the Global Biodiversity Information Facility.

Kanpo estekak