PROFILPELAJAR.COM

Wikidata
	Irudi gehiago
Jatorria
Sortzailea(k)	Wikidata editoreak eta Wikimedia Deutschland
Egilea(k)	Wikimedia community (en) eta Wikidata editoreak
Sorrera-urtea	2012
Honen izena darama	wiki eta datu
Ezaugarriak
Hizkuntza	eleaniztuna
Software motorea	Wikibase eta MediaWiki
Egile-eskubideak	copyright, egile-eskubideen titularrak jabari publikoari eskainia eta copyrightduna
Lizentzia	CC0, Creative Commons Aitortu-PartekatuBerdin 3.0 Moldatugabea eta Aitortu-PartekatuBerdin 4.0 Nazioartekoa (CC BY-SA 4.0)
Deskribapena
Honen parte da	web semantiko; Linked Open Data cloud diagram (en)
Kokapena
Jabea	Wikimedia Fundazioa
Ekoizpena
Garatzailea	Wikimedia Deutschland eta Wikimedia Fundazioa
Fikzioa
Erabiltzen du	mezu pribatu, Wikibase eta semantic technology (en)
Argumentu nagusia	Datu Lotu Irekiak
Historia
Gertaera nabarmenak	2015eko urriaren 29a; urteurren ; QID milestone (en) ; 2016ko urriaren 29a; urteurren ; aurkezpen — Berlin
Jasotako sariak	Open Data Award ; Open Publishing Awards (en)
	wikidata.org
Bideoa	YouTube

Wikidata elkarlanean sortutako datu-base eleanitz bat da, Wikimedia Fundazioak kudeatua. Wikidataren xedea da iturri bateratu bat eskaintzea zenbait datutarako (adibidez, pertsonen jaiotegunak eta jarduerak, edo Wikipediako artikulu bat nola den beste hizkuntzen Wikipedietan (hizkuntzen arteko loturak). Informazio hori Wikimediaren proiektuetan erabiltzen da gero, adibidez Wikipedian.^[1]^[2] Wikipediako artikulu askotan goian eskuinaldean hainbat daturekin agertzen den infotaula, kasu askotan automatikoki sortu izan da artikulu horri buruz Wikidatan dagoen informazioarekin.

Wikimediatik kanpo ere edonork kontsulta dezake Wikidata, baita informazio hori erabili gero domeinu publikoko CC0 lizentziarekin.

Wikibase softwarea erabiliz funtzionatzen du Wikidatak.

Antzekoa da Wikimedia Commons zerbitzua, kasu honetan osagaiak ez dira datuak, argazki eta multimedia baizik, Commonsen gordetzen baitira Wikimedia proiektu guztietarako eskuragarri dauden argazki, dokumentu, irudi, infografia, audio eta bideo fitxategiak.

«	Gizakiok irakur eta uler dezakegun formatu batean argitaratu ohi dugu ezagutza, Wikipedia bezalako entziklopedia batean, esaterako. Edozein entitateren inguruan dakiguna hor dugu eskuragai. Datu Lotuak (Linked Data), aldiz, web semantikoa deritzon horretan erabiltzen dugun formatua da, gizakiok nahiz makinek ulertzen dutena. Pil-pilean dagoen gaia dela esan daiteke, alor gero eta gehiagoko datuak web semantikoaren bitartez eskuragarri baitaude. Orain dela hamar urte, Wikidata sortu zen, Wikipediaren ahizpa, eta, azken hori ez bezala, makinek irakur eta interpreta dezaketen baliabidea da. Entitateen deskribapenak biltzen ditu Wikidatak, formatu egituratu eta estandarizatu batean, eta elkarrekin lotu; lotura horiek grafo gisa irudika daitezke, eta horregatik ezagutza-grafo deitzen diogu horrela sortutako datu-multzoari. Beste hainbat baliabidetan ezagutza egituratzeko teknologia berberak ditugu, baina Wikidatak bi ezaugarri ditu, beste guztietatik bereizten dutenak: alde batetik, ezagutza-grafo librerik handiena da gaur egun, eta bestetik, edozein sar daiteke edukiak osatu edo aldatzera.	»
—David Lindemann: "Euskaraz Wikidataz aritzeko lehenengo ahalegin koordinatua da ikastaro hau", 2023ko uztailaren 7a^[3]