Oharra: ez fidatu soilik orri honetan ematen diren datuez perretxiko bat identifikatzeko orduan. Inolako zalantzarik izanez gero, kontsultatu aditu batekin.
Haritz-ardagaia (Daedalea quercina) Fomitopsidaceae familiako onddoespezie bat da.[1] Ez da jangarria, haragi zurkara eta larrukara du. Daedalea generoko espezie bakarra da. Usteldura arrexka sortzen du.
Deskribapena
Karpoforoa: 5 eta 30 cm bitarteko diametrokoa. Lodia, handia. Azala hasieran zurixka, gero arre zurbila edo arre-grisaxka, glabroa edo pixka bat belusduna, zimur-ildaskatua, eremu zirkularrekin, ertza kamutsa du, normalean erregularra.
Orriak: Ez dira orriak, ezta tutuak ere, labirinto antzeko bat da, horma modukoak, orri gisakoak, kolore grisaxka-okre zurbilekoak.
Hanka: Ez du, karpoforoa zuzenean egur hilari edo biziari lotuta dago.
Etimologia:Daedalea terminoa: Dedalo, Kretako labirintoa eraiki zuen grekoa. Quercus epitetoa latinetik dator, artea esan nahi duen "Quercus" hitzetik. Bere habitatagatik.
Jangarritasuna
Ez da jatekoa, larrukara baita, zura bera bezalakoa.[3]
Nahasketa arriskua
Oso zaila da nahastea, himenioa labirinto formakoa duelako; hala ere trametea forma hor dago, non ia azalera emankor guztia poroz betea dagoena.[4]
Sasoia eta lekua
Urte osoan, arteen, urkien, gaztainondoen, haritzen eta abarren enbor hiletan edo bizietan. Oso arrunta eta iraunkorra.[5]
