La geografia de la comuna es simpla. Lo borg d'Omet es sus la medisha sèrra que Donzac. La comuna comprend tanben las duas pentas, la dau sud fòrta, la dau nòrd doça e donc poblada (Morisset, Jordy, Le Bizoc, etc). Dus rius parallèles au nòrd e au sud limitan lo territòri.
Las fòrmas ancianas son apud Omed, sense data, Sanctus-Sulpicius-de-Brinhac, en 1339-1340, Contor de Brinhaco, en latin, en 1341, B. de Ometo presbyter, en latin, en 1375, Sanctus-Sulpicius-de-Brinhaco, en latin, en 1398 [2].
Brinhac. Lo nom data de l'Antiquitat. Brinhac es bastit sus un nom d'òme Brinnius, que Dauzat associa au gallés Brennos o *Brinnos (mes Delamarre ne parla pas e lo nom es benlèu latin), damb lo sufixe -acum[3],[4],[2], latinizacion dau sufixe gallés -ācon.
Omet, sense article, es una formacion romanica (medievala, après lo latin, mes avant lo gascon), donc pus recenta que Brinhac. Es format sus l'ancian occitan om, dau latin ulmus, « orme », damb un sens collectiu, « ormeda » [2],[5].
Brinhac èra benlèu la parròpia primitiva dont Omet dependé : la glèisa d'Omet garda lo medish dedicatari, Sulpicius. Ren permet pas de localizar aqueth vilatge e seré improbable, damb tant de sègles de coexisténcia daus dus noms, qu'estusse un aute nom per Omet (cas diferent de Palhet / Seroa, simple càmbiament de nom dau medish lòc).
↑ 2,02,1 et 2,2Bénédicte Boyrie-Fénié, Dictionnaire toponymique des communes. Gironde, ed. CAIRN e Institut Occitan, Pau, 2008, p. 232-233
↑Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 116, per Brignac, Corresa
↑Xavier Delamarre, Noms de lieux celtiques de l'Europe ancienne, ed. Errance, 2012
↑Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 507, a Olmes (les)
Comunas deGirondaen Gasconha lingüistica (comunas actualas, comunas que contenen comunas delegadas, ancianas comunas, ancianas comunas vengudas comunas delegadas)
.svg){kind=small}
