Lo borg vertadièr, emb l'ostau de comuna, los comèrcis, etc, es a Francicòt, sus la RD 669 Borg-Blaia, a un petit km de la glèisa, donc deu lòc Gauriac primitiu.
Las fòrmas ancianas son Arnaldus Garsias de Gaviriaco, en latin, en 1026, apud Gauriacum-de-Taur, en latin, en 1360, Gauriac-de-Taur, en 1361, de Gauriaco de Roqua de Taur, en latin, en 1375, Sanctus Petrus de Gauriaco de Taur, en latin, en 1378 [4]. Gauriac ven d'un nom Gabrius / Gabrios, d'origina gallica (vengut de gabros, « craba »), emb lo sufixe -acum[5],[4],[6], latinizacion deu sufixe gallic -ācon. Gauriac èra donc probablament una anciana granda propietat antica qu'avèva per mèste Gabrius. Taur es lo nom d'un castèth situat au nòrd de la comuna e i a un lòc nommat La Ròca de Taur (ròca, en mèi de son sens literau, èra sovent utilizat dens lo sens de « castèth »). Per Taur, conferir emb l'Estanh de Taur, en latin Taurus Palus. La Ròca sembla estar una tuca boscada, inculta e desabitada, de fòrma massissa, nommada le Mugron sus la mapa. Aqueth nom sembla contunhar lo latin mucro, mucronis, « punta, extremitat aguda »; la fòrma de la ròca, pr'aquò, es pas exactament aguda, pas mèi que la de la majoritat deus Pug-agut o Montagut. A l'Edat Mejana, Gauriac de Taur s'opausava a Gauriac de la Landa o Gauriaco de Saltu, adara Gauriaguet[7].
Comunas deGirondaen Gasconha lingüistica (comunas actualas, comunas que contenen comunas delegadas, ancianas comunas, ancianas comunas vengudas comunas delegadas)
.svg){kind=small}
