Gençac es un petit centre de servicis (centre medicau recent e multiprofessionau, farmacia , Credit Agricòla, restaurant, etc) en situacion delicata. Gençac es un carreforc de vias segondàrias, ce qu'avé un sens a l'epòca d'avant l'automobila. La populacion de la comuna baissa e la vinha empacha de bastir per una populacion rurala acostumada a l'ostau individuau. Lo borg (que fut una vila) se voida pauc a pauc.
Las fòrmas ancianas son Genzaco (sègle XI, en latin), Genciacum (sègles XI a XIII, en latin), Genciaco (1285, 1289, 1301, en latin), Genciacum (1307-1317, en latin), Gensak (1307-1317, en occitan) [2].
Segon tots los especialistas (Dauzat e Rostaing, Ernèst Negre, Jacques Astor, Bénédicte Boyrie-Fénié), lo nom de Gençac ven deu nom d'òme latin Gentius, emb lo sufixe -acu(m)[3], [2], latinizacion d'una derivacion celtica -*ācon.
Segon Xavier Delamarre, lo nom Gentios es [probablament ?] celtic. Deus noms de persona celtics i son aparentats (Ad-gentius, Ate-genta, Bitu-gentus, etc [4].
Istòria
Aquesta seccion es voida, pas pro detalhada o incompleta. Vòstra ajuda es benvenguda !
En 1793, la municipalitat èra « Gensac, Pessac et Saint Avit », valent a dire Gençac, Peçac de Dordonha, Sent Avit de Soletge; las autas duás comunas èran independentas e recensadas a part en 1800 [5].
En 2019 la populacion èra de 710 abitants e la densitat èra de 75,69 ab/km².
Comunas deGirondaen Gasconha lingüistica (comunas actualas, comunas que contenen comunas delegadas, ancianas comunas, ancianas comunas vengudas comunas delegadas)
.svg){kind=small}
