Las fòrmas ancianas son : Aran (villam quae dicitur ~), a una data pas coneishuda, Ariano, Arriano, en 1274 (citat tanben per una auta localitat, Sent Medard d'Airans, i a donc una error d'atribucion per un o per l'aute), Ayrans, en occitan, 1361 [2].
L'origina dau nom d'Eyrans es lo nom d'òme latin Arius emb lo sufixe latin -anum, segon tots los autors [3],[2].
Maugrat l'identitat deus resultats fonetics, l'origina deu nom d'Eyrans es donc pas, coma son omonime de la banlèga bordalesa, en relacion emb de palús : lo vilatge es pus aut de 20 mètres que la ribèira bassa de Gironda, situada pus a l'oèst.
L'evolucion de la prononciacion de la prumèira sillaba, ai- > ei-, es confòrma a la fonetica girondina.
L'etimologia explica pas la finala -s. Maugrat qu'Eyrans es adara en zòna gavaia, es pas impossible de l'explicar coma dens la Gironda gascona. Serè un collectiu (los noms deus abitants), emb confusion posteriora emb lo nom de la localitat [4] : 1) *Airan, nom deu vilatge; 2) *los Airans, los abitants d'Airan; 3) a la fin, Airans ven lo nom deu vilatge.
↑ 2,0 et 2,1Bénédicte Boyrie-Fénié, Dictionnaire toponymique des communes, Gironde, ed. CAIRN, Institut Occitan, Pau, 2008, p. 142
↑Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, Paris, reedicion 1984, p. 279
↑Miquèu Audoièr, Ua solucion unica a un problèma doble : lo grop -ts, fonetica istorica e toponimia, País Gascons n°269, pp. 8-9, Ortès, Noveme-Deceme 2013
Comunas deGirondaen Gasconha lingüistica (comunas actualas, comunas que contenen comunas delegadas, ancianas comunas, ancianas comunas vengudas comunas delegadas)
.svg){kind=small}
