Las fòrmas ancianas son en latin : Sancti Fremerii (abbas ~), en 1170, Sancti Fremerii (abbati ~) en 1281, Sancti Ffermerii (abbate ~) en 1281. Lo nom vendré donc deu nom germanic d'òme Framarius [latinizat], puèi una metatèsi (que Bénédicte Boyrie-Fénié explica per l'atraccion deu mot fèrma, au sens d'« afermatge »), dejà presenta dens la segonda atestacion de 1281, auré menat au nom actuau. Dens la grafia causida per Bénédicte Boyrie-Fénié, Sent Fèrmer[2], l'èrra finala se justifica pas mèi que l'èna de *òmen per òme o de *àsen per ase.
Lo sent eponime, patron de l'abadiala, neishut a Pampalona au sègle III, fut discípol de Sent Sarnin, puèi avesque de Tolosa, evangelizator d'Agenés, de l'Entre Duas Mars, d'Auvèrnhe, etc, l'escapitèren en 285 [o en 303] a Amians[2]. Mes, çò que B. Boyrie-Fénié escriu d'un sent nommat Framarius sembla correspondre en bona partida a Sent Fermin, Firminus[3].
Istòria
Avant 1806, la comuna des Gentis (nom francés) fut annexada a Sent Fèrme [4].
Abans la refòrma cantonala de 2014, aplicada en 2015, la comuna èra deu canton de Pelagrua; es adara deu canton de Le Réolais et Les Bastides (en francés), donc deu Reulés e de las Bastidas.
Son impausanta abadia benedictina, dedicada a Nòsta Dòna, es cada annada, decap aus Rèis, lo teatre d'una gripa (?) viventa de 60 figurants e d'una messa occitana, amassant mèi de 800 espectators. Aqueste eveniment estut creat aquò hèi 20 ans per Alain Pierre, professor d'occitan, e Anne de Reignac, presidenta de l'associacion daus Amics de l'Abadia.
Comunas deGirondaen Gasconha lingüistica (comunas actualas, comunas que contenen comunas delegadas, ancianas comunas, ancianas comunas vengudas comunas delegadas)
.svg){kind=small}
