Las fòrmas ancianas son Castel (decima Sancti Petri de ~), en 1107-1118, Castello, aus sègles XI o XII, en latin, Castet, Casted, aus sègles XI o XII, en occitan, Castellione (de ~), en 1274 e en 1295, en latin. Lo mot, eretèir deu latin castellum e deu sufixe latin -onem, es un diminutiu de castèth. La necessitat d'un determinant, lo nom de la vilòta situada a 3 km, ajustat oficialament en 1956 (« Castillon-de-Castets »), es la preséncia d'un aute Castilhon dens lo departament.
Castilhon es atestat avant Castèths e las purmèiras atestacions son shens sufixe diminutiu. Benlèu que l'ajustèn per diferenciar las duas parròpias o meilèu los dus castèths. E sembla curiós que lo segond aja pres lo medish nom que lo purmèir. Lo detalh de la fixacion deus dus noms demòra pauc clar (la purmèira fòrma dab diminutiu de Castilhon es de 1274, tot com las purmèiras atestacions de Castèths Andòrta, Castet e Castrum Andorta, en latin).
Istòria
La purmèira parròpia per Castèths e per Castilhon estó benlèu la de Sent Roman de Maserac (comuna de Castèths, a un 1500 m de Castilhon com de Castèths); après, benlèu, s'installèn los castèths, pui las aglomeracions e las glèisas.
Avant la refòrma cantonala de 2014, aplicada en 2015, la comuna èra deu canton d'Auròs; passè au canton deu Reulés e las Bastidas, pui en 2019 au canton deu Sud Gironda (Lengon), pr'amor de la fusion dab Castèths Andòrta.
Comunas deGirondaen Gasconha lingüistica (comunas actualas, comunas que contenen comunas delegadas, ancianas comunas, ancianas comunas vengudas comunas delegadas)
.svg){kind=small}
