Las fòrmas ancianas que son Stanzas (parrochia de ~), en 1273, Descauzes (par. Sancte Marie d' ~), en occitan (peu nom), en 1273, Escauzas, en occitan, en 1274, Escaudes, en occitan, en 1274, Escausas, en occitan, en 1289, Escausis (capellanus d' ~), en latin, en 1369-1370, Escauzas, Escaudes, Escauzes, en occitan, au sègle XIV [2]. Escaudas seré lo resultat deu latin squalidus, « inculte », meilèu que deu nom germanic d'òme Scald (Dauzat) [3] o lo gascon escauta, sinonime de madaisha, a perpaus de la fòrma deu vilatge (Negre, citat per B. Boyrie-Fénié), ipotèsi pauc versemblabla. Bénédicte Boyrie-Fénié qu'es de l'idèia de Dauzat e part de *squalidas [terras] > *scál(i)das (reduccion de -qu-, sincòpa de la sillaba pòsttonica) > *scaudas (vocalizacion de -l- après vocala) > escaudas (e- inicial de sosten). Las grafias Escauzas marcan [ð], fricatizat a l'intervocalica. Com L'Èrm, vilatge vesin, Escaudas qu'estó tanben una tèrra èrma, inculta (e prauba, probablament) [2].
Istòria
En 1817, Escaudas fusionè dab Capsiuts, pui tornè vir comuna en 1836 [4]. Mentretant, la comuna s'aperava Captieux-et-Escaudes, donc en occitan Capsiuts e Escaudas [5].
Comunas deGirondaen Gasconha lingüistica (comunas actualas, comunas que contenen comunas delegadas, ancianas comunas, ancianas comunas vengudas comunas delegadas)
.svg){kind=small}
