Brana (Branne en francés) es una comuna occitana deu Vasadés istoric [1], lingüisticament gascona, administrada per lo departament de Gironda de la region de Novèla Aquitània, ancianament d'Aquitània.
Geografia
Perimètre deu territòri
Toponimia
Las fòrmas ancianas son Brana, Brania, Branna, aus sègles XI-XII, apud insulam de Brana, en 1273, Brana, en 1299, etc [2]. Per Dauzat, Brana ven d'un nom gallés d'òme *Bratennus, deu gallés *bratu-, present dens Bratuspantium, nom antic de Beauvais, o deu nom gallés d'òme Brannos, « còrb, agraula » (*Branna (villa) [3]; Negre, citat per Bénédicte Boyrie-Fénié, es per un nom germanic Borannus. B. Boyrie-Fénié se pronóncia pas, mès en citant Sancti Albani in Barssanesio, en 1273 (Barsanés/Barçanés, « país de Brana », de quauquarren coma *Barsanensem)[2], permet d'apartar quauquas solucions, coma Brannos o Borannos; *Bràtennos es pas ideal (doneré *Bradenés o Bardenés), mès la soca gallesa brat- (emb una siguda e lo sufixe latin -ensem) permetré benlèu d'arribar a *Braçanés, Barçanés emb una metatèsi (desplaçament de r) e a *Bratna > Brana, sense lo sufixe -ensem e sense metatèsi. La dificultat, coneishuda tanben per Bénédicte Boyrie-Fénié, es que l'etime qu'explica Brana es aparentat, mes es pas exactament lo medish que permetré d'explicar Barçanés.
Istòria
- Brana èra a l'oèst la darrèra parròpia deu Vasadés istoric, mes l'atmosfèra culturala deu Barçanés es puslèu la deu Bordalés, que non pas la deu nòrd deu Vasadés. Probable que lo limit deu territòri deus Vasates dens l'Antiquitat èra un riu, l'Engranne (en francés), varianta probabla d'Aiguranda, que marca sovent las frontièras en país celtic o mèi o mens celtizat.
Administracion
Lista deus cònsols successius
| Periòde
|
Identitat
|
Etiqueta
|
Qualitat
|
| abriu 2024 (eleccion parciala)
|
(2026)
|
Serge Maugey
|
|
|
| 2020
|
abriu 2024
|
Marie-Christine Faure
|
|
|
| octobre 2014
|
2020
|
Jean-Marie Dupont
|
divèrs dreta
|
retirat foncion publica
|
| junh 2014
|
octobre 2014
|
Delegacion especiala
|
|
|
| març 2014
|
junh 2014
|
Marie-Christine Faure
|
PS
|
|
| març 2001
|
2014
|
Serge Morin
|
PS
|
|
| avant 1988
|
?
|
Alain Bonneau
|
|
|
| Totas las donadas non son pas encara conegudas.
|
- Avant la refòrma cantonala de 2014, aplicada en 2015, la comuna èra deu canton de Brana (caplòc); es adara deu canton deus Tuquets de Dordonha.
Demografia
- En 2019 la populacion èra de 1307 abitants e la densitat èra de 542,32 ab/km².
Lòcs e monuments
Personalitats ligadas emb la comuna
Veire tanben
Ligams extèrnes
Nòtas
- ↑ https://gallica.bnf.fr/ark:/12148/bpt6k9616679v/f145.item.zoom
- ↑ 2,0 et 2,1 Bénédicte Boyrie-Fénié, Dictionnaire toponymique des communes, Gironde, ed. CAIRN e Institut Occitan, Pau, 2008, p. 84
- ↑ Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 110
.svg)
.svg){kind=small}
