|
Sent Avit de Soletge
Sent Avit de Soletge (Saint-Avit-de-Soulège en francés) es una comuna occitana d'Agenés [1], dins la region istorica de Guiana, administrada per lo departament de Gironda de la region de Novèla Aquitània, ancianament d'Aquitània. L'occitan de la comuna es lo lengadocian brageiragués, emb quauques influéncias gasconas.
Geografia
Perimètre del territòri
Toponimia
I a pas d'atestacion anciana per Sent Avit e lo nom Carisailha (veire Istòria), si correspond a Sent Avit, pausa deus problèmas d'interpretacion. Sent Avit, en latin Avitus, pòt èstre un ermita en Orleanés mòrt en 530, o un avesque de Viena mòrt en 519-525 [2]. Soletge o Solètge poiriá èstre una varianta de solatge (deu latin solaticu-) : « depaus, sediment, baudra, fanga » [3],[4], mes la finala deu nom es pas assegurada.
- Carisailha, Carissailles. I a un luec nommat Les Caris as Luèvias, a quauques km (nom de persona ? Caris es un nom de familha present en Gironda [5]. D'un autre costat, l'un pòt pensar a un nom gallés : Caris(s)ia es un nom de riu celtic e i a de noms de personas Carissus, Carisius, Carissa, Carisso [6]. Mes un nom gallés per un vilatge que data benlèu deu segond millenari ?
Istòria
La parròquia es pas mençonada dins lo pouillé (inventari deus bens eclesiastics de la diocèsi) de Valeri en 1520, mes un luec nommat Carisailha, que Jean Burias escriu Carissailles e plaça a Sent Avit sus la mapa[7], poiriá i correspondre : Prœceptor domus militie Templi de Carisailha, segon Durengues. Lo nom es absent de la mapa de Cassini, a la fin deu sègle XVIII, çò que vòu pas dire que lo luec aviá dispareissut : l'usatge aviá benlèu impausat lo nom deu sent dedicatari e l'apellacion de Soulèges, qu'es lo d'un riu afluent de Dordonha. La glèisa es pas dins lo borg, çò qu'es una condicion favorabla per una dualitat de nom : Sent Avit per la glèisa e Carisailha per lo borg ? La parròquia èra tròp petita per noirir un curat a residéncia. Abans 1789, i aviá 120 comuniants, quasi tots deus novèus convertits, signe que la Reforma aviá ganhat tota la region de Senta Fe [8]. Segon Bénédicte Boyrie-Fénié, la parròquia poiriá datar deu començament deu segond millenari [9], çò que permet de pas enlevar a Aineça son estatut de vilatge frontalièr deus Nitiobròges per las epòcas pus ancianas.
Administracion
Lista deus cònsols successius
| Periòde
|
Identitat
|
Etiqueta
|
Qualitat
|
| març de 2014
|
2020
|
Jean-Paul Pailhet
|
|
emplegat
|
| 2008
|
2014
|
Gisèle Dubreuil
|
|
|
| març de 2001
|
2008
|
Gérard Lafage [10]
|
|
|
| Totas las donadas non son pas encara conegudas.
|
|
|
2001
|
|
|
|
| Totas las donadas non son pas encara conegudas.
|
- Abans la refòrma cantonala de 2014, aplicada en 2015, la comuna èra deu canton de Senta Fe la Granda; es adara deu canton de Le Réolais et Les Bastides (en francés), donc Lo Reulés e las Bastidas. L'intercomunalitat es la Communauté de communes du pays Foyen.
Demografia
Luòcs e monuments
Personalitats ligadas amb la comuna
Veire tanben
Ligams extèrnes
Nòtas
- ↑ https://web.archive.org/web/20161115015531/http://gallica.bnf.fr/ark:/12148/btv1b77101733/f1.item.zoom
- ↑ http://nominis.cef.fr/contenus/saint/7289/Saint-Avit.html
- ↑ Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 582
- ↑ Bénédicte Boyrie-Fénié, Dictionnaire toponymique des communes, Gironde, ed. CAIRN e Institut Occitan, Pau, 2008, p. 273
- ↑ http://www.geopatronyme.com/nomcarte/CARIS
- ↑ Xavier Delamarre, Noms de lieux celtiques de l'Europe ancienne, ed. Errance, 2012, p. 106
- ↑ Jean Burias, Atlas Historique Français, vol. 4, Agenais, Condomois, Bruilhois, 1979, CNRS, planca XII
- ↑ https://archive.org/stream/pouillhistoriq00dure#page/516/mode/2up
- ↑ Bénédicte Boyrie-Fénié, Dictionnaire toponymique des communes, Gironde, ed. CAIRN e Institut Occitan, Pau, 2008, p. 273
- ↑ http://www.annuaire-mairie.fr/mairie-saint-avit-de-soulege.html
|
|
.svg){kind=small}
