Las fòrmas ancianas son Ambo (decima de Bouloc prope portum de ~), au sègle XIII, Bouluc (parrochia Sancti Johannis de ~), au sègle XIII, Bono Luco (parrochia Sancti Johannis de ~), au sègle XIII, Bono Luco (capella de ~), en 1326, Sant Leodeguar o Legier, shens data [1].
Sent Leugèr es a l'origina lo nom d'una parròquia, que sa glèisa es situada au sud-oèst deu borg. Es benlèu lo nom d'un avesque d'Autun, au sègle VII (Negre ditz un avesque de Santas). Adara, an metut un panèu Saint-Léger au borg qu'es Pòrt de Pascau[1],[2].
Monluc èra l'annèxa de Sent Leugèr. Es un ancian Bonluc, deu latin bonum lucum, « bon bòsc, bona seuva », cambiat en Monluc. Blasi de Monluc, qu'ac sabèva, signava de Monluc e pas *de Montluc[1].
Lo Pòrt de Pascau es lo borg. Dempui qu'an tirat la placa de Port-de-Pascau per botar la de Saint-Léger a la plaça, lo nom s'oblida. Pascau es un petit nom [o benlèu un nom de familha que ven d'un petit nom] que remembra la hèsta de Pascas. Lo pòrt èra donc plaçat près de l'ostau o sus la propietat de Pascau [1]. La mapa IGN plaça Lo Pòrt de Pascau dens la partida sud deu borg e Sent Leugèr dens sa partida nòrd, situada long deu camin gran Damasan-Gulhon, recent (èra pas sus la mapa de Cassini) e deu pont de 1935 [3],[4], çò qu'es benlèu en rapòrt dab l'evolucion deu pòblament (la partida sud seré mèi anciana).
La fòrma anciana prope portum de ambo, a prepaus de Monluc, marca la preséncia d'un pòrt près deu jonhent de Baïsa e de Garòna [1].
↑ 1,01,11,21,3 et 1,4Bénédicte Boyrie-Fénié, Dictionnaire toponymique des communes, Lot-et-Garonne, ed. CAIRN e Institut Occitan, Pau, 2012, p. 236-237
↑Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 609
.JPG)
.svg){kind=small}
