Dauzat e Rostaing explican Pocinhac per un nom latin d'òme, *Porcinius, derivat de Porcius, o *Poccinius, derivat de Poccius, dab lo sufixe -acum[1], latinizacion deu sufixe gallés -āco(n). La prononciacion es [pusi'ɲak]. Negre, citat per Bénédicte Boyrie-Fénié, aima mèi lo nom « roman » d'òme Poncinius, dab -acum. Bénédicte Boyrie-Fénié causeish meilèu la proposicion de Negre. Lo nom de Pocinhac es a l'origina lo de la glèisa, qu'es sola, mès adara designa meilèu lo petit borg, constituït de l'escòla, de l'ostau de comuna e de bastiments recents; sus las mapas, pòrta lo nom de L'École, mès suus panèus es Poussignac qu'es escrit. L'origina de çò que ven pauc a pauc una aglomeracion dessarrada es l'escòla, plan plaçada i a un pauc mèi d'un sègle a una crotzada e au centre de la comuna [2].
Avant la refòrma cantonala de 2014, aplicada en 2015, la comuna èra deu canton de Boglon; es adara deu canton de las Seuvas/Ahorèsts /deus Bòscs de Gasconha.
.svg){kind=small}
