Las fòrmas ancianas son : Fregimont (castrum de ~), en 1271, Fregimonte (p. de ~), en 1520, Frigimontis (B. Quitteria ~), al sègle XVII [1]. Mont, del latin mons, montis, o puslèu montem, es de segur lo segond element del nom. Fregimont es a 160m, sus una sèrra, çò qu'es coërent. Los toponimistas explican la primièra partida per un nom germanic d'òme, Frigis, per Dauzat e Rostaing [2], Freigisus, prepausat dambe prudéncia per Negre, citat per Bénédicte Boyrie-Fénié, mès justament B. Boyrie-Fénié constata que le resultat seriá estat quicòm coma *Freimont dambe los noms fornits per sos predecessors, aquí perqué causís puslèu Fridius. Lo nom se seriá fixat entre los sègles V e VII [1].
Gaujac
I a pas ren sus aquel Gaujac dins lo libre de Dauzat, mès i a pro de vilatges d'aquel nom o d'un nom aparentat que son citats. Gaujac s'explicariá per un nom latin d'òme *Gaudius dambe lo sufixe -acum[3], latinizacion del sufixe gallés -āco(n). Gaujac èra donc probablament una anciana granda propietat gallo-romana qu'aviá per mèstre *Gaudius. La solucion es retenguda per Ernèst Negre e per Bénédicte Boyrie-Fénié (a prepaus d'un autre Gaujac) [4].
Abans la refòrma cantonala de 2014, aplicada en 2015, la comuna èra deu canton deu Pòrt Senta Maria; es ara deu canton de Le Confluent (en francés), donc deus Ajustants (deu Jonhent, de l'Ajustador ?).
Aquesta seccion es voida, pas pro detalhada o incompleta. Vòstra ajuda es benvenguda !
.svg){kind=small}
