Dondàs, atestat en 1326 coma Dondas e en 1520 coma Dondanis (par. de ~), poiriá venir de l'adjectiu occitan redondàs (redond del latin rotondu(s) e sufixe -às, del latin -ace(u), a valor aumentativa), ambe aferèsi : redondàs > (re)dondàs. Serià donc comparable a un puèg redond[1]. Lo vilatge es situat sus un puèg, en posicion dominanta a l'oèst, al nòrd e al sud, mès la cima es un planòl qu'a pas res de redond, puslèu una sèrròta. Se l'etimologia es bona, s'aplicariá a un chafre personal.
Gandalha correspond a Vandalia (villa), coma Gandalor es Vandalorum (fundum) : lo nom atèsta de la preséncia dels Vandals[2].
Istòria
En 1839, Dondàs (293 abitants en 1836) es incorporat a Gandalha (503 abitants en 1836); la novèla comuna pòrta lo nom de Gandalha. En 1904, lo capluèc de la comuna es desplaçat a Dondàs; la comuna càmbia de nom e ven Dondàs [1].
La populacion d'aquí al recensament de 1836 es per la sola comuna de Dondàs, abans lo restacament a Gandalha; a partir de 1841, es per l'ensemble Dondàs e Gandalha, devath lo nom de Gandalha d'aquí al recensament de 1901 e devath lo nom de Dondàs a partir de 1906.
En 2018 la populacion èra de 214 abitants e la densitat èra de 14,89 ab/km²
.svg){kind=small}