Savinhac. La prononciacion es [saβi'ɲat de 'lɛjzɔ]. Las fòrmas ancianas son Savinhaco (parrochia de ~) prope Montemflanquinum, en latin, al sègle XIII, Savinhac (par. de ~), en occitan, al sègle XIII, Savinhaco (parrochia de ~), en latin, en 1271 (Saisimentum), Savinha (de ~), en occitan, en 1271 (Saisimentum), Savinhaco (capella de ~) prope Montemflanquinum, en latin, en 1326, Savinhaco (ecclesia Sancti Johannis de ~), en latin, en 1519 , Savinhaco (r. de ~), en latin, en 1520 (Lista de Valéri) [1]. Es un nom plan espandit, que ven de Sabinius, tirat del cognomen Sabinus, ambe'l sufixe -acu(m) <[1],[3], latinizacion del sufixe gallés -aco(n). Savinhac èra donc probablament una anciana granda propietat antica qu'aviá per mèstre Sabinius.
Lèisa. Lo nom del riu Lèisa s'emplega sense article, atal coma lo riu dont es l'afluent, Leda (« vau pescar a Lèisa », « delai Leda »). Leda nais a Capolesa, « cap de Leda/Lesa », dins la comuna de Blancafòrt de Briolança. Aquel punt justifica segon Bénédicte Boyrie-Fénié una etimologia comuna a Leda e a Lèisa. La raiç seriá una basa preceltica *lit- o *let-, que se tròba tanben dins lo nom comun les o lisa (lo darrèr emplegat localament), « tèrra alluviala menada pels rius ». Leda ven de la sonorizacion de -t- intervocalic en -d-, Lèisa supausa una espirantizacion en mai [4]. Bénédicte Boyrie-Fénié explica pas l' -i- de Lèisa, mas coma i a -i-, lo passatge de -e- a -è- es una dissimilacion : estant que -è- es pus luènh de -i- que -e-, evita la confusion, totjorn possibla, entre -e- e -i-.
Istòria
Aquesta seccion es voida, pas pro detalhada o incompleta. Vòstra ajuda es benvenguda !
Abans la refòrma cantonala de 2014, aplicada en 2015, la comuna èra del canton de Montflanquin; es ara del canton de Le Haut Agenais Périgord (en francés), donc del Naut Agenés Perigòrd.
En 1793, la municipalitat èra Montflanquin, Beauregard, Boudy, Cailladelles, Lacaussade, La Mothe Fey, Aubin, Savignac et Villas (en francés), donc en occitan Montflanquin, Bòrregard, Bodin (veire Bodin de Bòrregard), La Cauçada, Sent Albin (Agenés), Savinhac de Lèisa per las comunas actualas; Cailladelles sembla d'èsser ara dins Castèlnuèu de Gratacamba, Lamothe-Fey (La Mòta Fèit < La Mòta Faiet ?) es demorat dins Montflanquin e Villas o Villars (occitan Vilars ?) es dins Sent Estròpi de Bòrn (èra una parròquia annèxa de Bòrn [6])
En 2018 la populacion èra de 304 abitants e la densitat èra de 26,71 ab/km².
.svg){kind=small}