La prononciacion es [,seŋtes'tɛfe de ,bilɔ'rjal]. Las fòrmas ancianas son parrochia Sancti Stephani prope Parisins [comprene Parisius], en latin, en 1259 [3]Bénédicte Boyrie-Fénié, Dictionnaire toponymique des communes. Lot-et-Garonne, ed. CAIRN e Institut Occitan, Pau, 2012, p. 229</ref>, S. Estienne de Lozenes sus una mapa del sègle XVII [5], St Etienne de Lesines sus la mapa de Cassini [6], Saint-Etienne de Lézenne[7] (París o Parisòt es una parròquia e anciana comuna annexada a Vilarial en 1839).
Estèfe es una fòrma occitana del latin Stephanus, vengut del grèc Στέφανος, « coronat » [3]. Stephanos, lo sent patron de la glèisa, es considerat coma lo prumièr dels martirs [8],[9].
Estèfe es una fòrma sabenta que se tròba mai que mai dins los noms de glèisas e per extension de vilatges. Coma pichon nom, es la fòrma populara Estève qu'es usitada, aquí perqué es vengut un patronime (nom de familha), escrit Estève o Estèbe.
Lozenes, Lézennes o Lesines es probablament lo nom ancian del vilatge. Sembla format del nom latin d'òme Licinius, benlèu devat la fòrma de Licinus.
Per la grafia de Vilarial, vejatz a Vilarial. Vilareal es un francesisme[10].
.svg){kind=small}