I aviá un autre Turac en Agenés, a Fumèl : Sent Martin de Turac, parròquia dispareguda. I a tanben un luèc nommat Turac, a La Crotz Blanca[1], pr'aquò ren pròva pas que siá estat parròquia o d'origina antica.
Geografia
Comunas a l'entorn.
Toponimia
Las fòrmas ancianas son : Sancto Joanne de Turaco (par. de ~), en 1271 (Saisimentum), Sancti Johannis de Turaco (r. ~), en 1510, Sancti Johannis de Thuraco (r. ~), en 1520. La prononciacion constatada, e francizada, es [seŋ'ʒaŋ de ty'rak]; la prononciacion [seŋ'ʒwaŋ de ty'rak] es recomandada [1]. Sent Joan Baptista es lo patron de la parròquia, a çò que ne ditz Durengues. Per Turac, i a pas de discussion sus la finala -acum d'apertenéncia, latinizacion del sufixe gallés -aco(n). Turac èra donc probablament una anciana granda propietat gallo-romana.
Pel nom del propietari, Turius es atestat [3] mas foneticament conven pas ; permet pr'aquò de justificar *Turus, inatestat e que Bénédicte Boyrie-Fénié prepausa [1].
.svg){kind=small}