San Jose [san hose], tagalogeLungsod ng San Jose (komprenu: urbo de Sankta Jozefo) estas katolika diocezo kaj urbego (kvinaklasa kaj komponenta) en Filipinoj, en regiono Centra Luzono, en provincoNova Ekijo. Antaŭ la hispana kolonia erao la loko estis konata kiel Kabaritan, nomita pro planto ofte vidata en la areo.
Tiu areo estis komence loko por ĉasadi. San Jose estis fondita en 1894, tiuj kelkaj domoj ĉi tie apartenis pli frue al la najbaraj komunumoj. Post la memstareco la vilaĝo prosperis pro produktado de rizoj. En 1898 finiĝis la hispana kolonia periodo, kiun sekvis la usona dominado. Tiutempe la urbo havis pli da politikaj, ekonomiaj, intelektaj kaj religiaj rajtoj, ol antaŭe. Estis konstruitaj lernejoj, preĝejoj, publikaj konstruaĵoj, vojoj, irigaciaj kanaloj kaj pontoj. En 1954 kelkaj eksteraj partoj de San Jose estis forigitaj por formi pli novajn komunumojn. La urbiĝo okazis en 1969 kaj la urbo atingis la internacian klasifikon urbego (pli, ol cent mil loĝantoj) en la finaj 1990-aj jaroj.
San Jose havas plurajn akademiojn. La diocezo estis kreita en 1984. 80% de la urbanoj estas katolikoj. La diocezo nun havas 17 paroĥojn, 9 mezlernejojn, 4 bazlernejojn kaj seminarion. En la urbo funkcias ankaŭ metodista kirko.
Katedralo de San Jose
Trafiko
En San Jose renkontiĝas 4 aŭtovojoj kaj aliaj flankovojoj. Al la proksimaj urboj pluraj aŭtobusaj kompanioj servas vojaĝojn. De la 1920-aj jaroj ĝis 1939 ankaŭ fervoja linio funkciis.
Klimato
La klimato de San Jose estas klasifikita kiel tropika. Jare pluvas po 1869 mm, en ĉiuj monatoj estas precipitaĵoj, tamen inter majo-novembro estas la pluva sezono. Laŭ averaĝa temperaturo estas 28,5 °C kaj ĝi varias inter 19-34 °C.
