Minglanilla estis fondita en 1858 fare de hispana pastro, tamen pli frue jam ekzistis tie malgranda komunumo Buat. Minglanilla suferis multe dum la filipina revolucio (1896-1898) kiam ribelantoj bruligis la municipan konstruaĵon kaj prirabis multajn domojn. Usono havis la areon inter 1898-1946, sed inter 1942-1945 la japanoj regis. En 1942 la japanoj faris detruojn, kiel reprezalio pro partizanoj. En la 2000-aj jaroj Minglanilla atingis la internacian klasifikadon urbego (pli, ol cent mil).
Ekonomio
Minglanilla estas ĉefe loĝurbo, ĉar la loĝantoj navedas al Cebuurbo por labori. Pli frue la ĉefa industrio estis la agrikulturo. Tamen, ekde la 2000-aj jaroj la ekonomio parte ŝanĝiĝis al serva ekonomio. La plej menciindaj estas amuzparko kaj industria parko.
Religio
Minglanilla havas romkatolikan plimultan loĝantaron kaj malplimultajn protestantajn kaj ne-kristanajn minoritatojn.
Trafiko
Minglanilla estas atingebla voje per la marborda vojo ambauxflanke. Spite la marbordon fonto ne mencias havenon.
Klimato
La klimato de Minglanilla estas klasifikita kiel tropika pluvarbara klimato. Jare pluvas 1639 mm, en ĉiuj monatoj estas precipitaĵoj, tamen inter junio-oktobro pli ofte pluvas. La temperaturo varias inter 24-30 °C. Ne estas grandaj diferencoj inter la monatoj.
.JPG)
