PROFILPELAJAR.COM

marto 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

La 6-a de marto estas la 65-a tago de la jaro (la 66-a en superjaroj) laŭ la gregoria kalendaro. 300 tagoj restas.

Je la 6-a de marto okazis, interalie:

Eventoj

-12: Romia imperiestro Aŭgusto Cezaro estis elektita plej supera sacerdoto (Pontifex Maximus) post morto de la ĝisnuna
845: Arab-bizancaj militoj: ekzekuto de 42 martiroj el Samaro post rabatako de Amorio, pro nekonvertiĝo al islamo
961: Kun fino de la sieĝo de Ĉandak, la islama emirlando de Kreto estis konkerita de Bizanca Imperio
1058: Konfirmo de la papo Stefano la 9-a pri la mona privilegio de la abatejo de Cluny
1079: Omar Khayyam kompletigas la persan kalendaron
1204: Filipo la 2-a kaptas la fortreson Château-Gaillard en Normandio, kiun perdis angla reĝo Johano
1429: Jeanne d'Arc renkontis en Kastelo de Chinon la francan reĝon Karlon la 7-an
1446: Malnova Zurika Milito: malvenko de la armeo de Habsburgoj en batalo de Ragaz
1447: Nikolao la 5-a fariĝis papo
1479: Traktato de Alcáçovas: Reĝlando Portugalio cedis Kanariojn al Reĝlando Kastilio
1454:
- Dektrijara milito: delegitoj de la Prusa Konfederacio promesis lojalecon al Kazimiro la 4-a, kaj la reganto de Pollando kaj la Grandprinclando Litovio siaflanke konsentis helpi ilian lukton por sendependiĝo disde la Ordeno de germanaj kavaliroj
- Pola reĝo Kazimiro la 4-a eldonis enkorpigan privilegion laŭ kiu historia regiono Praprusio (inter Nemuno kaj Vistulo) kaj Pomerio de Gdańsk eniris al Pollando - responde al la peto de Prusa Konfederacio
1480: Portugalio: ratifikado de la Traktato de Alcáçovas post la Milito de Kastilia Sukcedo
1521: Ferdinand Magellan alvenas ĉe Gvamo kaj Rota en Marianoj
1583: Stefano Báthori starigis trioblan konsilion por la registaro de Transilvanio
1618: Incendio de la parlamento de Parizo (en la konstruaĵo de la aktuala kortumo, apud la kapelo Sainte-Chapelle)
1629: Germanio: la imperiestro Ferdinando la 2-a eldonis la edikton de redono
1636: Pollando: en distrikto Żary falis meteorŝtono
1642: Romo: la papo kondamnis Augustinus de Jansénius - sed tiu papa parolo nur publikiĝis post unu jaro, certe ŝanĝita
1643: Romo: Antoine Arnauld publikigis De la fréquente communion, en kiu li defendas la verkon Augustinus de Cornelius Jansen, kontraŭbatalita de la jezuitoj, kiuj sukcesis ĝian kondamnon fare de la Inkvizicio, en 1641, kaj poste de la papa parolo In Eminente de Urbano la 8-a, publikigita je tiu tago, la pasintan jaron
1645: Tridekjara milito: venko de sveda armeo kontraŭ la germana en la batalo de Jankov (apud Benešov)
1664: Subskribo de alianco inter Francio kaj Brandenburgio
1665: En Londono aperis la unua ekzistanta ĝis hodiaŭ scienca revuo Philosophical Transactions de la Reĝa Societo de Londono
1706: Svedaj militfortoj okupis Vilnon
1707: Reĝlando de Granda Britio fondiĝis kiel reala unio de Anglio kaj Skotlando
1714: Germanio: subskribo de franclingva traktato de Rastatt ĉesigis la sukcedan militon de Hispanio - Francio subskribas pacon kun Aŭstrio
1779: Milito inter Reĝlando Majsur kaj Brita Orienthinda Kompanio: brita armeo venkis en batalo de Seedaseer (Karnatako)
1788: La ŝipoj First Fleet alvenis en britan Norfolkinsulon por instali punlaborejon - alvenis 22 setliĝintoj, en tio 15 kondamnitoj
1793: Belgio: post kiam la regiono Hainaut fariĝis la departemento Jemappes la 2-an de marto, Tournai kaj Loveno aniĝis Francion
1794: Francio (16 ventôse): en la Nacia Konvencio, Bertrand Barère de Vieuzac prezentis raporton pri la halto de almozo
1801:
- Egiptio: britoj elŝipiĝis en Egiptio
- Franca nobelo Markizo de Sade estis arestita sub riproĉo de la aŭtoreco de romano Justine aŭ la malbonsortoj de l'vivo
1803: Hinda Oceano: sendita por okupi denove la francajn urbojn de Hindio, la amiralo Charles Mathieu Isidore Decaen enŝipiĝis sur la insulo Maŭricio
1817: Brazila kolonio: komenco de la ribelo de Pernambuko, direktita kontraŭ la portugala domino
1820: Kompromison ĉe Misurio subskribis kiel leĝo la prezidento James Monroe. Ĝi permesas la eniron de Misurio en la usonan union kiel ŝtato sklavema, sed la norda parto de la Luiziana aĉeto restis sen sklaveco
1824: Francio: baloto pri leĝo, kiu ŝanĝas la daŭron de parlamenta mandato ĝis sep jarojn
1831: Opero La Sonnambula de Vincenzo Bellini unuafoje estis prezentita en la teatro Carcano de Milano
1834: Ontario: Toronto iĝis urbo
1836: Teksasa revolucio: meksika armeo konkeris la Misiejon Alamo post batalo, en kiu mortfalis dum 13 tagoj 187 usonaj militistoj, inter kiuj Davy Crockett
1849: Haitia armeo atakis Domingon
1853: Italio: opero La Traviata de Giuseppe Verdi unuafoje estis prezentita en operejo Teatro La Fenice en Venecio
1862:
- Usona Enlanda Milito: batalo de Pea Ridge komenciĝis; venko de la Unuiĝintaj Ŝtatoj de Ameriko kontraŭ la Konfederaciitaj Ŝtatoj de Ameriko
- Alkazaro de Segovio bruliĝis en hispana Segovio
1868: Funebro en Nico de la reĝo de Bavario Ludoviko la 1-a
1869: Kemio: la rusa sciencisto Dmitrij Mendelejev prezentis sian periodan tabelon
1885: Franca astronomo Alphonse Louis Nicolas Borrelly malkovris asteroidon Asporino
1889: Serbio: post multfoja politika erarado kaj malŝparo de financoj, Milan la 1-a (Milan Obrenović) abdikis pro lia filo Aleksandro, 12-jaraĝa
1890: Judaj elmigrintoj de Pollando fondis setlejon Reĥovot
1895: Unua japana-ĉina milito: japana armeo venkis en batalo de Inkou (Manĉurio)
1898:
- Ĉinio transdonis por 99 jaroj la havenon de Cindao kun minejoj al Germana Imperiestra Regno
- Tramtransporto en Poznano: ĉevaltira tramo estis anstataŭita per la elektra
1899: Germana laboratorio Dreser de la firmao Bayer sukcesis procezon de fabrikado de aspirino kaj deponis patenton en Munkeno
1900: Eksplodo en karbominejo en Okcidenta Virginio kaptas 50 karbministojn
1901: En Bremeno asasino provis mortigi Vilhelmon la 2-an
1902: Hispana futbala klubo Real Madrid fondiĝis
1912: Ĉilio/Bolivio: inaŭguro de la fervojo inter Arica (pacifika oceanbordo) kaj La-Pazo (Bolivio), transiranta la montarĉenon Andoj je altitudo de 4 264 metroj
1914: Francio: instalado de la unua tribunalo por infanoj en Parizo
Unua mondmilito:
- 1916: Francio: en Verduno, eko de la bataloj de Mort-Hommes kaj de Cote 304
- 1918: Finnaj Aerfortoj formiĝis
1919:
- En Dua Pola Respubliko establiĝis Armea Konsilantaro, iniciatita de ĉefestro Józef Piłsudski
- Dum kongreso en Moskvo laŭ iniciato de Lenin establiĝis la Tria Internacio
1921: Komunista Partio de Portugalio estas fondita kiel portugala parto de la Kominterno
1925:
- Pionerskaya Pravda, unu el la plej malnovaj ĵurnaloj en Eŭropo estis fondita
- Belgio aneksis Eupen, Malmedy kaj Sankt-Vith
1926: La registaro de konsilia prezidanto Aristide Briand eksiĝis
1927: Metropolis, la filmo de Fritz Lang, aperis
1930:
- Unuaj frostigitaj nutraĵoj estis vendataj en Springfield en Masaĉuseco
- Premiero de la pola filmo Animoj en mallibero de reĝisoro Leon Trystan - laŭ la romano de Bolesław Prus
- Granda Depresio: en pola urbo Sanok okazis t.n. Marŝo de Malsatuloj — manifestacio de senlaboruloj
1933:
- Post falsitaj balotoj, favoraj al germanaj nazioj, poloj okupis marhavenon de Gdańsk
- La feritagoj de usonaj bankoj de la Granda depresio komenciĝis, daŭrante ĝis la 10-a de marto
1934: Dua Pola Respubliko: Stanisław Ignacy Witkiewicz finis sian lastan dramon Szewcy (Ŝuistoj)
1935: Futbalo: venko granda dum la North London derby: Arsenal Football Club venkegas Tottenham Hotspur Football Club per la rezulto 6-0
1938:
- Hispana Enlanda Milito: venko de respublikanoj dum la mara Batalo de kabo Palos
- Berlino: kunvokita de la Asocio de Poloj en Germanio Unua Kongreso de Poloj en Germanio (5 mil delegitoj) proklamis Kvin verojn de polo - ĝis nun, konforme al decido de Hitler, la asocio ne havas rajton de malplimulto, spite al la germana en Pollando
Dua mondmilito:
- 1940: Germana teroro en okupata Pollando: germanoj murdis en Lodzo kelkcent judojn; Gestapo arestis en Toruń gvidantojn de socialista konspira organizaĵo Polska Akcja Niepodległościowa (Pola Sendependiga Kampanjo), kiu i.a. okupiĝis pri sekreta instruado; Vintra milito: Finnlando subskribis pafĉesigon — finna kaŝpafisto Simo Häyhä, kiu pafmortigis 705 ruĝarmeanojn iĝis grave vundita je vizaĝo; sovetaj regopovoj arestis nokte de la 6-a/7-a de marto dum trapaso de landlimo direkte al Lvovo la brigadan generalon Michał Tokarzewski-Karaszewicz, destinitan al la posteno de komandanto de la Asocio de Armita Batalado kaj uzanta dokumentojn kun la nomo Tadeusz Morowy; Aŭstralio: deklaro de ĉefministro Robert Menzies ke la registaro decidis formigi kaj direkti eksterlanden la duan divizion (7-a Divizio de Infanterio)
- 1941: Germana polico pafmortigis en Skrzyszów 6 personojn; germanaj regopovoj forveturigis de Wyszogród ĉ. 700 judojn al koncentrejo en Działdowo; en Provinco Vartlando Gestapo ordonis malfondi polan katolikan bonfaran organizon Caritas (Karitato); Vaŝingtono: pola ambasadoro en ekzilo Jan Ciechanowski iĝis ĉefo de la pola diplomatiejo; en Londono okazis gazetara konferenco de la reprezentantoj de juda gazetaro; Jugoslavio: Krona Konsilio kunsidis por konsideri aliron al la pakto de trio - enkonduka konsento sub certaj kondiĉoj; Atlantiko: batalo pri konvojo OB-293 komencita - oni sinkigis 2 ŝipojn kaj 2 submarŝipojn (en tio la germanan U-47)
- 1942: Soldato de Pola Enlanda Armeo Józef Mierzyński mortigis memdefende en Zgierz 2 gestapanojn - venĝe, la 20-an de marto germanoj pafmortigis en la urbo 100 polojn transportitajn de lodzaj malliberejoj; en koncentrejo Aŭŝvico mortis profesoro de Jagelona Universitato Roman Rybarski, eminenta ekonomikisto kaj politika aktivulo ligita kun Roman Dmowski; germana polico forveturigis de malliberejo Pawiak el Varsovio al Aŭŝvico 69 personojn; germanigo de Provinco Vartlando: oni malpermesis al poloj kolekti publikaĵojn verkitajn en la pola lingvo
- 1943: Germanaj kaj ukrainaj policanoj pafekzekutis apud Kańczuga 41 personojn; germana polico aŭ ĝendarmoj pafmortigis en montaro de Pińczów 16 kaj en Częstochowa 10 judojn, en 4 aliaj lokoj pli ol 40 polojn, en tio 7 infanojn; Pola Rezistomovado: taĉmento de Popola Gvardio konkeris fervojan stacidomon apud Rzeszów detruante teknikajn aparatojn; de militkaptitejo en Szubin fuĝis 47 britoj, oficiroj de aviado; en Bjalistoka geto eksplodis juda ribelo; Salomonoj: venko de usonanoj en batalo de markolo Blackett; Orienta Fronto: germana 4-a Kirasita Armeo kaj Operaca Grupo "Kempf" komencis atakon okcidente de Ĥarkivo; aganta apud la rivero Mius Operaca Grupo "Hollidt" ricevis nomon 6-a Armeo; Nordafrika Fronto: kontraŭatako de italaj-germanaj trupoj kontraŭ brita 8-a Armeo; Grekio: Naciliberiga Fronto venkis italan okupanton en la Batalo de Fardykambos - grava signo de la kresko de Greka kontraŭnazia rezistmovado
- 1944: Militkrimoj: taĉmentoj de germana polico en publika ekzekuto en Kurów pafmortigis 42 kaj pendumis 6 personojn - venĝe pro atako de partizanoj al germanaj policaj aŭtomobiloj, kaj en 3 aliaj lokoj 35, en tio malliberulojn kaj 2 virinojn; germana polico masakris vilaĝon Zawonia en distrikto Sokalski murdante 22 personojn, bruligante ĉiujn domojn kaj deportante al koncentrejoj 78 personojn; oni komencis mobilizon de viroj al kunlaborisma Belorusa Landa Memdefendo; ĉefministro de Irlando Eamon De Valera reĵetis usonajn sugestojn el la 21-a de februaro; Orienta Fronto: trupoj de la 1-a Ukraina Fronto liberigis Zbaraż kun 3 aliaj lokoj (nun Ternopila provinco); al ofensivo aliĝis trupoj de la 2-a Ukraina Fronto de marŝalo Rodion Malinovskij, atakante sur la norda marbordo de Nigra Maro; nokte Bomba Korpuso de RAF atakis fervojan nodon Trappes apud Parizo (263 bombaviadiloj); Batalo de Atlantiko: du germanaj U-boatoj estis sinkigitaj U-744 (12 mortigitoj kaj 40 savitoj) kaj U-973 (51 mortigitoj kaj 2 savitoj)
- 1945: Ruĝa Armeo liberigis Grudziądz - kapitulaco de germana citadelo; 2-a gvardia Kirasita Armeo liberigis Kamień Pomorski; Pomerio de Gdańsk: trupoj de la dekstra alo de la 2-a Belorusa Fronto komencis batalojn pri Starogard, la maldekstra en Okcidenta Pomerio atingis Sławno; dua soveta okupado de Pollando: Ivan Serov, kunrespondeca pri la masakro de Katin, estis nomumita konsilisto de NKVD ĉe Ministerio de Publika Sekureco en Pollando; registaro de Petru Groza prenis potencon en Rumanio kreante komunistan registaron de la Nacia Fronto; Okcidenta Fronto: usona 1-a Armeo okupis Kolonjon; Operaco Printempa Vekiĝo: en Hungario norde de Balatono germana Armea Grupo "Sudo" reatakis bulgarajn kaj sovetiajn trupojn; Jugoslavio: regentoj donis mision krei novan registaron al marŝalo Josip Broz Tito; en Londono oni subskribis financan interkonsenton kun Svedio (validan de la 1-a de januaro 1945)
1946: Ho Chi Minh subskribis interkonsenton laŭ kiu Francio agnoskis Vjetnamion kiel sendependan ŝtaton
1947:
- Prijuĝado de la skipo de Koncentrejo Dachau finiĝis - oni i.a. verdiktis mortpunon per pendumo de 2 SS-anoj
- Dick Pope elpensas la sporton barefoot, akvan skiadon sen skio
1951:
- La proceso de Ethel kaj Julius Rosenberg komenciĝis en la tribunalo de Foley Square en Novjorko. La geedzoj Rosenberg estos mortigitaj la 19-an de junio 1953.
- La usona aviadil-armeo USAF permesas la produktadon de English Electric Canberra al la firmao Glenn L. Martin kun la nomo de B-57
1952: En Varsovia malliberejo estis pendumita germana nazio kaj militkrimulo Jürgen Stroop, respondeca interalie pri sanga subpremo de la ribelo en varsovia geto - aŭtoro de la raporto de Stroop
1953: Gregorij Malenkov sukcedis Josif Stalin kiel Sovetunia ĉefministro kaj Ĝenerala Sekretario de CK de la Komunista partio
1957:
- Ganao sendependiĝis (de Britio)
- Israelo forigis sian armeon de sinaja duoninsulo
1960:
- Usono anoncis sendon de 3.500 soldatoj en Vjetnamion
- Alain Giletti fariĝis monda ĉampiono pri arta sketado
- Svislando: en kantono Ĝenevo, virinoj ricevis voĉdonrajton
1964:
- Tom O'Hara, kuranta unu mejlon en 3 minutoj kaj 56.4 sekundoj, starigis novan mondan rekordon
- Konstantino la 2-a fariĝis reĝo de Grekio
- Per radio, gvidanto de la Nacio de Islamo Elijah Muhammad anoncis, ke usona boksisto Cassius Clay ŝanĝis sian nomon al Muhammad Ali
1965:
- Pentagono anoncis sendon al Vjetnama respubliko de 3 500 fusil-marsoldatoj — unuaj teraj usonaj trupoj venis al Vjetnamio
- Alain Calmat fariĝis ĉampiono pri arta sketado
1967: Filino de Josif Stalin Svetlana Allilujeva petis politikan azilon en usona ambasadejo en Nov-Delhio
1968: Marto 68: rektoro de Varsovia Universitato ricevis leteron de eminentaj verkistoj defende de Michnik kaj Szlajferg, forigitaj de la altlernejo - precize jaron poste Ĝenerala Akuzistejo resumis la eventojn
1969: Kosmonaŭtoj de Apollo 9 plenumis unuhoran eksterveturilan agadon
1970:
- Suspektinda mortiginto Charles Manson publikigis Lie: The Love & Terror Cult por povi pagi sian defendon en juĝa afero
- Alexander Dubček estas suspendata el la ĉeĥoslovaka Komunista partio, kies ĝenerala sekretario li estis dum la Praga printempo 1968
1975:
- En Alĝero, Irano kaj Irako subskribas kontrakton pri landlimo
- Terorista komando mortigis dek kvar personojn en hotelo de Tel-Avivo
1976:
- Pollando: malfermo de la Muzeo al Karol Szymanowski en Zakopane
- Aviadilo Ijuŝin-18 de la kompanio Aeroflot falegis inter la urbo kaj la flughaveno Zvartnots de Erevano kaj mortigis siajn 111 pasaĝerojn kaj ŝipanaron
- 23 45-v diskoj de la muzikgrupo Beatles estas la plej grandaj vendoj kiam la muzikeldonejo eldonas denove la diskojn
1979:
- Peter Maxwell Davies kreis baleton Salome en Londono
- En Southampton (Unuiĝinta Reĝlando), kreo de Arĉa kvarteto numero unu de Jonathan Harvey
- Papo Johano Paŭlo la 2-a komencis verki sian testamenton
1980: Marguerite Yourcenar fariĝis la unua ina membro de Franca Akademio
1981: Ricardo Hoffman alvenis en Santa Elena, Entre Ríos naĝe. Foririnte antaŭ 84 horoj kaj 37 minutoj pli frue el Corientes, li naĝadis dum la 481,5 km de Parano senhalte
1982: Kirurgo Christian Cabrol sukcesis la unuan grefton de koro kaj pulmoj samtempe
1983:
- Helmut Kohl kaj lia partio formigas denove registaron en Germanio
- Okcidenta Germanio: Alianco '90/La Verduloj elektiĝis al Bundestag - poste kiel unua ekologia partio eniris la Eŭropan Parlamenton
1984: Dekdu-monata striko komenciĝis en la Britia terkarba mina industrio
1986: Unua renkontiĝo inter la sovetunia lanĉilo Vega kaj la kometo Halley
1987:
- Ŝiprompo de la brita pramo Herald of Free Enterprise en Zeebrugge: 182 mortintoj
- Elekto de la kanto Himno a la Montaña kial la oficiala nacia himno de Kantabrio
1988
- Studentoj ĉe Gallaudet University strikas favore al la elekto de surda prezidanto de la universitato. La manifestacion oni nomas en:Deaf President Now ("Surda prezidento nun.")
- Miloj da tibetanoj manifestaciis en Lasao - reklamantaj finon de la jugo de Ĉinio
- Tri senarmilaj membroj de Dumtempa irlanda respublika armeo estis mortigitaj de la brita SAS en Ĝibraltaro
1990:
- Ukraina Olimpika Komitato fondiĝis
- En Sovetunio estis permesite krei privatajn firmaojn
1992
- La komputila viruso Michelangelo komencis infekti komputilojn
- Starigo de la Konsilio de Baltmaraj Ŝtatoj
1994
- Referendumo en Moldavio rezultigas voĉdonadon kontraŭ ebla reunuiĝo kun Rumanio
- Colin Jackson starigas la tutmondan rekordon enĉambre pri 60-metraj heĝa piedkurso je 7 minutoj kaj 30 sekundoj
1997:
- La pentraĵo "Tête de Femme" de Pablo Picasso estas ŝtelita de Londono galerio (kaj rehavigita post unu semajno).
- La laboristoj de la ŝipokonstruejo de Gdansk estis informitaj pri la frua fermo de sia laborejo kaŭzanta malaperon de 3 600 dungitoj
- En Srilanko tamilaj tigroj atakis militistan bazon mortigante pli ol 200 soldatojn
1998:
- Dudek mil personoj manifestaciis en la urbocentro de Tirano por peti la finon de la premo de la serba polico kontraŭ la kosovaj albanoj
- Matthew Beck, kontisto de la loterio de Konetikuto en Newington, Usono, mortigis ĝian prezidanton kaj tri superulojn, pro salajra malakordo, antaŭ ol sin mortigi
1999: Ta Mok, kromnomita la buĉisto, lasta militista ĉefo de Ruĝaj Kmeroj, ĉiam eskapanta, estis haltita de la Kamboĝa armeo, apud la tajlanda landlimo
2000 La ĉilia juĝisto Juan Guzmán Tapia petis la forviŝon de la parlamenta imuneco de la eksa diktatoro Augusto Pinochet
2001:
- Egiptio: Publikigo en la tagĵurnalo El Midan de intervjuo kun la egipta verkistino Nawal El-Saadaoui far la ĵurnalisto Wahid Raafet, poste la malpermeso de pluraj el ties verkoj dum la internacia libra foiro en Kairo. En tiu intervjuo ŝi diras ke pilgrimado al Mekao kaj la kiso de la Nigra Ŝtono estas paganismo
- Ĉinio: 42 personoj, inter kiuj 35 estis okjaraĝaj kaj naŭjaraĝaj infanoj devigitaj por la elfarado de eroj de piroteknikaĵo mortis dum la bruliĝo de sia lernejo
- Francio: pro la febro Aphtae epizooticae, la veturado de delikataj animaloj pri tiu malsano al bazaroj kaj ekspozicioj estas malpermesitaj
- Francio: En Aikso, 8 junuloj estis kondamnitaj pro perfortado de sepultoj, kaj ŝteloj de homaj restaĵoj en tomboj. Dum la serĉo de pruvoj, la policanoj trovis « ostarojn, homaj kraniojn anstataŭ cindrujojn, freŝdatajn entombigitajn kapojn aŭ ankaŭ infanan ĉerkon aliformitan en malalta tablo en salono »
2002:
- Afganio: En Shikin, usonaj ĉasaviadiloj bombadis la talibanojn inter kiuj estis virinoj kaj infanoj
- Palestino: israela helikoptero lanĉis raketon sur la Mukataa (konstruaĵaro de la palestina aŭtoritato en Ramallah), kiam Jaser Arafat gastigis la eŭropan reprezentanton Miguel Angel Moratinos
2003:
- En Vatikanurbo kardinalo Joseph Ratzinger oficiale prezentis italan eldonon de "Roma triptiko", rakonta poezio de papo Johano Paŭlo la 2-a, kiu ĉeestis - eldonita en 6 lingvoj: pola, germana, angla, hispana, franca kaj itala, Esperanto-version altradukis Lidia Ligęza
- Svisa Gvardio, armeo de Vatikano, akceptis por la unua fojo nigrahaŭtan soldaton, Dhani Bachmann
- Verĥovna Rada voĉdonis leĝon pri la himno de Ukrainio
2004: Gaspare Pipitone, ŝipestro de la ŝutvara ŝipo Panarea Primo estis kaptita dum forĵeto de substancoj en Mediteraneo
2005:
- Kebekio: tertremo forta je 5.4 laŭ la skalo de Richter kies epicentro estas je 17 km sudokcidente de Rivière-du-Loup
- La bolivia prezidento Carlos Mesa anoncis sian eksiĝon
2006:
- 6-a de marto ĝis 15-a de marto: Jean-Marie Guéhenno, UN-a asistanta ĝenerala sekretario pri la operacioj de subteno de paco, vizitas kvinfoje Kongon por vidi loke kion oni devas fari pri la proksima baloto je la 18-an de junio
- Butano-Barato: la ambasadoro de Butano en Barato anoncis ke studoj pri konstruebleco de nova fervojo inter Butano kaj Barato ekis. Post la elekto de unu el la kvar eblaj itineroj, konstruoj devus komenciĝi en 2007
- Ĉinio: Oficialuloj anoncis la ekon de konstruo de nova Maglevo-fervojo inter Ŝanhajo kaj Hangzhou por la fino de la jaro 2006. Tiu fervojo devus esti malfermota por la Internacia ekspozicio de 2010 en Ŝanhajo
- Suda-Dakota guberniestro Mike Rounds subskribas leĝprojekton kiu devus malpermesi plejparton da abortoj en la ŝtato
- Pollando konfirmis unuan disvastiĝon de H5N1, la birdogripa viruso
2007:
- Francio: la salajruloj de Airbus-France manifestadis kontraŭ plano, kiu celas maldungi 10 mil personojn en Eŭropo, inter ili 4 mil en Francio
- Indonezio: tertremo en Sumatro, 6,2 forta laŭ la skalo de Richter mortigis 52 personojn
- La usona loterio Mega Millions difinis novan tutmondan rekordon pri la plej multekosta gajno donita: 390 milionojn da usonaj dolaroj
- La eksa ĝenerala sekretario de la registaro de George W. Bush Lewis Libby estis kulpigita pri kvar el kvin akuzoj de ĵurrompoj kaj baro de la juro
- La albumon Chinese Democracy publikigis la muzikgrupo Guns N' Roses
2009:
- Ĉado: en la urbo Nĵameno, la ministro pri internaj aferoj Ahmat Mahamat Bachir estis vundita en atenco
- Maroko ĉesis siajn diplomatiajn rilatojn kun Irano kies paroloj estis komprenitaj kiel minacoj kontraŭ la suvereneco de la reĝlando Barejno
- NASA: Kosma teleskopo Kepler eniris suncentran orbiton
2011: Estonio: Estona Reforma Partio de Andrus Ansip gajnis parlamentan balotadon
2013:
- Unuafoje oni festis Eŭropan Memor-Tagon pri Justuloj, kiuj savis judojn dum holokaŭsto - fiksita laŭ iniciato de la itala Komitato de Monda Justul-Ĝardeno
- Siria enlanda milito: venko de ribelantoj en la batalo de Ar-Raka
2018: Sirio: en katastrofo de rusia transporta aviadilo An-26 en aerbazo Hmejmim, apud Latakio, pereis 39 personoj
Invado de Rusio en Ukrainion:
- 2022: 11-a tago de la rusa agreso: ukraina stabo informis, ke en pezaj bataloj pereis jam pli ol 11 mil rusiaj soldatoj, oni detruis i.a. 44 bombaviadilojn kaj 48 helikopterojn; rusia armeo malebligis funkciadon de 34 malsanulejoj; en Irpin rusiaj soldatoj pripafis 10 veturilojn de konvojo, en la unuan estis ĵetita grenado, 9 personoj pereis kaj 12 estis vunditaj — Olena Zelenska publikigis en Facebook fotojn de mortigitaj infanoj, priskribis ilian historion kaj alvokis al kreo de humanitaraj koridoroj; kuracistoj el Buĉa alvokas pri ebligo evakui infanojn,du estas post amputo de manoj, jam pereis ne malpli ol 38; armea aerodromo en Starokostjantiniv estis atakita per raketoj, okazas bataloj en Mariupolo kaj Ĉernihivo; prezidanto de Ukrainio atribuis la honoran titolon de la Urbo-Heroo de Ukrainio al Volnovaĥa, Hostomel, Mariupolo, Ĥarkivo, Ĥersono kaj Ĉernihivo;
- Mondreago: En Kievo restis nur 3 eksterlandaj diplomatoj - ambasadoroj de Pollando, Kroatio kaj apostola nuncio; rusia flugkompanio Aeroflot suspendis preskaŭ ĉiujn internaciajn flugojn; porparolanto de Rumana Ortodoksa Eklezio nomis Putin kiel Antikriston; nombro de fuĝintoj el Ukrainio al Pollando transpaŝis milionon
- 2023: 376-a tago de la rusa agreso: Pasinttage al Ĥersona provinco falis 74 rusiaj pafaĵoj, pereis 3 personoj, inkluzive de 2 infanoj; nokte rusoj rakete atakis Kramatorsk detruinte lernejon kaj damaĝinte 15 domojn; enketistoj identigis 3 rusiajn soldatojn respondecajn pri militkrimoj en Irpin;
- Mondreago: En interreto aperis surbendigo pri ekzekuto de ukraina soldato, kaptita de rusaj okupantoj; kradvorto "Gloro al Ukrainio!" pinte de mondaj trendoj en Tvitero — la lastaj vortoj eldiritaj de senarmita militkaptito pafmortigita de rusoj, ukraina flanko postulas tujan internacian enketadon; ukraina tenisistino Marta Kostiuk gajninte turniron de Virina Tenisa Asocio en Austin (Teksaso) dediĉis sian titolon "al ĉiuj homoj, kiuj batalas kaj mortas pro Ukrainio"; ambasado de Ukrainio kunlaboras kun brita polico por fiksi cirkonstanojn de morto de juna ukrainino en Britio;
2023: Belorusio: juĝejo en Minsko kontumace kondamnis Svjatlana Ciĥanoŭskaja al 15 jaroj de mallibero kaj ŝian kunlaboranton Pavel Latuŝka al 18 jaroj