![]()
|
Por aliaj signifoj, bv. rigardi la apartigilan paĝon: Staré Město
|
Municipo Staré Město situas en Ĉeĥio, regiono Pardubice, distrikto Svitavy, en montetaro Třebovské mezihoří 4 km norde de urbo Moravská Třebová. Vivas ĉi tie 1 039 loĝantoj (2024).
La najbaraj municipoj de la setlejo estas Maletín, Hynčina, Borušov, Dětřichov u Moravské Třebové, Gruna, Moravská Třebová, Kunčina, Linhartice, Třebařov kaj Rychnov na Moravě.
Historio
Origina prisetlo de la vilaĝo estis slava. En la jaro 1270 la komunumo estis nomata Stará Třebová (Malnova Třebová). Evidente temis pri la unua provo de germana koloniigo de Boreš el Rýzmburk. Pli poste la nomo Třebová transiris al iom pli sude nove fondita urbo kaj ĉi tie ekfunkciis nomo Staré Město (Malnova Urbo). En la jaro 1365 ĝi estis nomata "urbeto", sed jam en la jaro 1398 ĝi estis nur vilaĝo.
Staré Město estis terkulturista vilaĝo kun vasta katastra distrikto. Korto de la grandbieno Moravská Třebová estis farmigita al "Středomoravská akciová společnost cukrovarnická a zemědělská". Okaze de la unua grunda reformo estis parto el ĝi dividita al terkulturistoj.
Loĝantaro
Evoluo de nombro de loĝantoj
La datoj devenas el datumbazo de Vikidatumoj
| Jaro | Loĝantoj |
|---|
| 1869 | 1 821 |
|---|
| 1880 | 1 762 |
|---|
| 1890 | 1 795 |
|---|
| 1900 | 1 725 |
|---|
| 1910 | 1 658 |
|---|
| 1921 | 1 650 |
|---|
| Jaro | Loĝantoj |
|---|
| 1930 | 1 676 |
|---|
| 1950 | 1 022 |
|---|
| 1961 | 1 120 |
|---|
| 1970 | 967 |
|---|
| 1980 | 1 056 |
|---|
| 1991 | 1 003 |
|---|
| Jaro | Loĝantoj |
|---|
| 2001 | 985 |
|---|
| 2014 | 1 006 |
|---|
| 2016 | 1 004 |
|---|
| 2017 | 1 000 |
|---|
| 2018 | 1 012 |
|---|
| 2019 | 1 010 |
|---|
| Jaro | Loĝantoj |
|---|
| 2020 | 1 027 |
|---|
| 2021 | 972 |
|---|
| 2022 | 1 031 |
|---|
| 2023 | 1 030 |
|---|
| 2024 | 1 039 |
|---|
Partoj de municipo
Memorindaĵoj
Preĝejo
Origine gotika preĝejo de Sankta Katarino el la jaro 1563 estis malfrubaroke rekonstruita fine de la 18-a jarcento. Ĝi estas oblonga kun duoncirkle fermita pastrejo, kun sakristio sur orienta flanko kaj prisma gotiko-renesanca turo sur okcidenta flanko, transprenita el la origina kirko. La turo estas kvinetaĝa kun pintarka portalo, pintarkaj fenestroj kaj ŝtonaj blazonoj. La interno de la kirko estas volbita barele, la presbiterejo per du krucoj kaj fermo. La sakristio estas platplafona.
La ekipaĵo estas pseŭdorenesanca, sur la ĉefa altaro estas bildo de Sankta Katarino de J. T. Supper el la dua duono de 18-a jarcento.
Tombeja kapelo
Tombeja kapelo estas baroka el la jaro 1728 kun duoncirkla fermo kaj ondoforma fronta pinjono. La altaro estas baroka kun origina baldakeno portata de anĝeloj. Troviĝas ĉi tie ŝtona figura sacerdota tomboŝtono el la 18-a jarcento.
Paroĥestrejo
Libere staranta duetaĝa baroka paroĥestrejo kun nemembrigita fasado devenas el la 18-a jarcento. Interne estas barele volbitaj plafonoj, en koridoro estas plata plafono kun stuka kadro portata de klasikismaj pilastroj.
Kruco
Antaŭ la malfrubaroka tombeja pordego estas rokoka kruco sur obelisko el la jaro 1771 kun barokaj statuoj de Sankta Maria kaj Johano Evangeliisto el tempo ĉirkaŭ la jaro 1720.
Vilaĝestrejo
Estinta vilaĝestrejo situas proksime de la preĝejo.
Fajrobrigada domo
Interesaĵo estas dominanta fajrobrigada domo kun nekutima turo.
Literaturo
- Marek Podhorský: Pardubický kraj. Eldonis freytag & berndt, eldonejo en Prago en j. 2004.
- Dr. E. Poche, DrSc. a kol. – Umělecké památky Čech. Eldonis Akademia en Prago en j. 1978.
Eksteraj ligiloj
| Partoj de municipo Staré Město (4) |
|---|
|
|
