La vilaĝo estis fondita dum regado de la reĝo Přemysl Otakar la 2-a kiel lima setlejo en Bohemia-Moravia lima regiono.
Loĝantaro
Evoluo de nombro de loĝantoj
La datoj devenas el datumbazo de Vikidatumoj
Jaro
Loĝantoj
1869
1 919
1880
2 031
1890
2 032
1900
2 115
1910
2 073
1921
1 946
Jaro
Loĝantoj
1930
1 967
1950
1 298
1961
1 327
1970
1 155
1980
1 111
1991
1 088
Jaro
Loĝantoj
2001
1 014
2014
1 030
2016
1 040
2017
1 034
2018
1 022
2019
1 027
Jaro
Loĝantoj
2020
1 020
2021
1 020
2022
1 039
2023
1 050
2024
1 062
Memorindaĵoj
Preĝejo
En preĝejo de Vizito de Sankta Maria konserviĝis frugotikaj krucaj volboj en presbiterejo, suda portalo el la tempo ĉirkaŭ la jaro 1300, ĥorejo rearanĝita en la jaro 1792, okcidenta fronto el 18-a jarcento, sakristio rekonstruita en la jaro 1833.
La preĝejo estas ununava kun kvadrata presbiterejo, kun sakristio sur norda flanko kaj oratorio en ĝia dua etaĝo, kun antaŭĉambro kruce volbita sur okcidenta flanko. Fasadoj estas membrigitaj per lizenaj kadroj, en okcidenta flanko troviĝas simpla baroka fronto. Triumfa arko estas pintarka, la navo platplafona, ĥorejo sur lignaj kolonoj. Suda portalo estas ornamita per riĉe profilita embrazuro.
La ĉefaltaro estas klasikisma el la jaro 1799, portala kun bildo de J. Umlauf kaj statuo de Dipatro kun du anĝeloj, super la flankaj enirejoj troviĝas statuoj de Sankta Katarino kaj Sankta Barbara el la jaro 1808. Du flankaj altaroj estas pseŭdobarokaj el la jaro 1887, la predikejo rokoka, orgeno ornamita per rokokaj lignoskulptaĵoj, sur oratorio troviĝas statuo de Madono el tempo ĉirkaŭ la jaro 1600 kun nova poliĥromio, baptujo estas el la 17-a jarcento kun rokoka kovrilo.
Sonorilturo
Sonorilturo troviĝas okcidente ĉe la preĝejo. Ĝi estas prismoforma, la teretaĝo masonita, la dua etaĝo ligna.
Ĉirkaŭ la preĝejo kaj sonorilturo estas tombejo ĉirkaŭbarita per ŝtona muro.
Kapeloj
Apud vojo al Bystré troviĝas kapelo "Ecce Homo" (Jen homo) kun statuo el la jaro 1714
Ĉe la tombejo estas kapelo de Sankta Johano Nepomuka el la 18-a jarcento
Kapelo de Sankta Anna el la komenco de 19-a jarcento
Kapelo de Virgulino Maria Neĝa en lokaĵo Balda el la jaroj 1747 - 1748, oblonga kun poligona fermo, barele volbita.
Statuoj
Empira krucifikso antaŭ la preĝejo el la jaro 1821 kun emblemo de Martirigo kaj reliefoj de Sankta Maria, Sankta Floriano kaj Sankta Jozefo.
Humilejo apud la vojo al Stašov.
Turismo
Areo de estinta banejo en Balda
Estinta banejo
Ĉirkaŭ 3 km nordoriente de Jedlová troviĝas lokaĵo Balda, kie estis banejo nomata Zlatá studně (Ora puto). Banejaj objektoj jam ne ekzistas, restis nur kapelo, arbargardistejo kaj fontejo. Apud la fontejo estas refreŝiga kiosko.
Fiŝlagoj
En ĉirkaŭaĵo de Jedlová estas kelkaj novaj kaj malnovaj fiŝlagoj, kiuj prezentas eblojn por banado en natura medio.
Literaturo
Marek Podhorský: Pardubický kraj. Eldonis freytag & berndt, eldonejo en Prago en j. 2004.
Dr. E. Poche, DrSc. a kol. – Umělecké památky Čech. Eldonis Akademia en Prago en j. 1978.
Dr. Ing. František Mandys, CSc. – Českomoravská vrchovina. Eldonis Olympia en Prago en j. 1986.
