Las fòrmas ancianas son : In aice Brivatensi, in villa Caucinogilo sive Genecense en 889, Caucinogile en 890, Caucinogolo en 896, Villa de Canteniaco (compréner Cauceniolo) en 1147, Prioratus de Chassanholas en 1358, Chassaignolles en 1379, Chassinholles en 1401, Chassenholles alh secle XV, Chassanholles en 1501 [2].
La prononciacion aproximativa, a Graneirs, z-es [tsasa'ɲɔɾə] [3].
Segon Dauzat, Chassanhòlas ven delh nom latin d'òme Caucinus, derivat de Caucius, ambelh gallic ialo, « talhadis (clarièra), champ » [4] (eissartar un caire de bòsc èra lo biais normau de crear un vialatge novelh). Atraccion d'un derivat collectiu delh resultat delh gallic cassanos « jàrric ». Lo plurau es constant e la grafia z-es Chassanhòlas.
Istòria
En 1789, Chassanhòlas fasiá partida de la província d'Auvernhe, de l'éleccion de Soire, de la subdelegacion de Lende e delh ressòrt delh presidiau de Riam. Sa gleisa parochala, diocèsi de Sant Flor e archipreirat de Briude, èra delh vocable de l'Assompcion[2].
.svg){kind=small}
