Las fòrmas ancianas son Parochia in honore S. Johannis Dominis praecursoris consecrata, en latin, en 1025, Parochia S. Johannis de Mirmanda, en latin, en 1163, S. Johannes, en latin, en 1225, S. Johannes à la Chalm, en latin, en 1256, S. Johannes de la Chalm, en latin, en 1288, Ecclesia S. Johannis de Calma, en latin, en 1293, Prioratus de Calmo, en latin, al sègle XIV, S. Jean-la-Chalin, en 1587, Prieuré de S. Jean-de-Lachaut, vas 1660 [2].
La fòrma de 1025 mòstra que Sent Joan representa Sent Joan Baptista, çò qu'es lo cas pus corrent. La Chalm ven del bas latin calmis, que seriá d'origina preceltica, benlèu preindoeuropèa (la racina *kal-, « ròcha, pèira ») e qu'a lo sens de « puèg pelat, que sèrv sovent de pastenc » [3],[4]. L'atestacion de 1660 fai supausar que la fòrma modèrna pòt èsser Chaum, amb -m finala muda.
Istòria
En 1789, Sant Joan de la Chalm èra de la diocèsi delh Puèi de Velai e de l'archipreirat de Solanhac, de la província de Velai, de la subdelegacion e seneschauciá del Puèi. Sa gleisa parochala èra consacrada a sant Joan Baptista. Lo prior, que relevava de l'abadiá de La Vòuta, presentava a la cura [2].
.jpg)
.svg){kind=small}
