Las fòrmas ancianas son Ugo de Saint Just, vas 1175, Castellum de S. Justo, en 1222, Ecclesia S. Justi, en 1252, Parochia S. Justi prope Allegrium, en 1475, Sanct Just, en 1507, S. Just-près-Chomelis, sus la mapa de Cassini, al sègle XVIII, Bellevue-la-Montagne, en 1793. Per decret deu 10 d'aost de 1896, la comuna chamgèt lo nom de Saint-Just-près-Chomelix a Bellevue-la-Montagne[2].
Sant Just èra lo nom d'un evesque de Lion, al sègle IV e d'un evesque d'Urgell, al sègle VI [3],[4].
Aubinhac
Las fòrmas ancianas son Albinac en 1252, Albiniac en 1263, Dal Byniac en 1263, Del Binhac en 1355, Aubunhacum en 1482, Albinhat en 1550, Aubigniat en 1616, Aubigna (mapa de Cassini) alh secle XVIII [5]. Aubinhac ven delh nom latin d'òme Albinius, ambelh sufixe -acum[6],[7].
Istòria
En 1789, Sant Just èra de la província d'Auvèrnhe, de l'eleccion de Briude, de la subdelegacion de La Chaa Dieu e delh ressòrt delh presidial de Riam. Sa gleisa parochala, diocèsi delh Puèi de Velai e archipreirat de Sant Pàulhan, èra delh vocable de Sant Just; lo comandor de Montredond presentava a la cura [2].
.svg){kind=small}
