Las fòrmas ancianas son Ecclesia de Chaspuzac en 1250, Locus de Chaspusaco en 1466, Chaspusac en Vellay en 1585, Le prieur de S. Martin de Chaspuzac en 1696, Chaspusacum en 1522 [2]. Chaspusac ven delh nom galloroman d'òme Casputius, ambelh sufixe -acum[3],[4].
Fontanas
Lo nom es atestat en 1256, Fontanas[5].
Segon Dauzat, Fontanas ven delh latin fontana, derivat de fons, « fònt » [6].
Segon Joan Arçac, Fontana designa una fònt arrengada, adobada, alestida, agençada, mas non se pòt diferenciar los resultats delh latin fontana e de l'occitan fontana[5].
Mauriac
Las fòrmas ancianas son Mauriac en 1348, Locus de Mauriaco en 1385, Moriat en 1401 e 1511, Mouriat en 1531
[7]. Mauriac ven delh nom latin d'òme Maurius, ambelh sufixe -acum[8],[9]. L'evolucion -au- pretonic > [u] z-es regulara, tanplan coma l'afebliment de -ac en -at, davant l'amudiment de la consonanta finala.
Istòria
En 1789, Chaspusac èra de de la província de Velai, de la subdelegacion e seneschauciá delh Puei de Velai. Sa gleisa parochala, diocèsi delh Puèi de Velai e archipreirat de Solanhac, èra delh vocable de Sant Bertomiu; l'avesque delh Puei presentava a la cura[2].
.svg){kind=small}
