Las fòrmas ancianas son Affarium dals Fraus d'Anglars, en 1297, Fragidum Anglars, Frays Anglars, en 1316, Frexanglars, en 1378, Frech Anglars, en 1410, Sieh Anglars, en 1420, Frechs Anglars, en 1434, Frectz Anglars, en 1521, Freitz Anglars, en 1522, Frechanglars, al sègle XVI, Fréchanglardz, en 1598, Frexanglardz, en 1627, Frex-Anglard, en 1650, Freisanglard, en 1658, Fretanglars, en 1662, Frès-Anglars, en 1669, Anglars-lou-Fraix, en 1692, Fraix-Anglars, en 1699, Anglars-lou-Frex,en 1700, Anglars-lou-Frasse, en 1701, Anglars, en 1730, Englars, en 1744, Anglars-lou-Frech, en 1753, Frex-Anglar (mapa de Cassini, a la fin del sègle XVIII), Anglars-le-Freix, en 1787 [4]. Segon Negre, lo prumèir element vendriá del latin
fractum, del vèrbe frangere, « espeçar, fricassar, rompre »; frait auriá lo sens de « fractura, rompedura, degonle, bauç, iga, esbolhament, brècha, bèrcha, traucada » [1]. Lo relèu justifica pas aquelas nocions amb evidéncia. Anglars ven del latin angulus, « angle », amb lo sufixe -aris. Lo nom es motivat per lo contengut d'un angle, mai que mai una tèrra en fòrma de coenh, de chanton [1],[5],[6]. Fraits fonciona coma adjectiu per Anglars ? Al sègle XIII, sembla que non.
Istòria
Aquesta seccion es voida, pas pro detalhada o incompleta. Vòstra ajuda es benvenguda !
La comuna se creèt en 1839 a partir del territòri de Sant Sarnin[7].