Las fòrmas ancianas son Bragach, en 1475, Braghacum, latinizacion de 1502, Bragheat, en 1535, Braiac, en 1595, Brayac, en 1596, Brageac, en 1620, Brajac, sense data, In cœnobio Brageacensi, en latin (« al monestèir de Brajac »), en 1626, Breghat, en 1628, Brahac, en 1650, Draghac, en 1651, Bragach, en 1671 ; Bragac, en 1672, Braghac, en 1675, Brajhac, en 1682, Bragehac, en 1703, Broghac, en 1784, Broghat, en 1784 o après [2].
Brajac ven d'un nom gallés (gal) d'òme, *Brāgios, latinizat en *Bragius, amel sufixe gallés -āco(n)[3],[4]. Brajac èra doncas probablament una anciana granda proprietat antica qu'aviá per mèstre *Brāgios. La prononciacion es [bra'dza], relevada a Ascoralha, Barriac, Chaucinac[5]. Aquò's problematic que la prononciacion de Drujac, relevada a Ascoralha e Chaucinac, amels meimes informators, siá [dry'za] o [dry'ʒa] [5], per una meima finala grafica -ja (nòrma de l'IEO Cantal en 2017 [1]), que chal doncas modificar. La grafia del siti Toponimia occitana en 2018, Braiac[6], es imaginària.
Istòria
Aquesta seccion es voida, pas pro detalhada o incompleta. Vòstra ajuda es benvenguda !
Lo 1èir de genèir 1973, Brajac fusionèt amb Ali e Drinhac e venguèt comuna associada, mas al 1èir d'octobre 1985, Brajac tornèt préner l'independéncia comunala [7],[8].