Resenteiras. Las fòrmas ancianas son Rezentieyres, en 1526, Resenteyres, en 1536, Rezentyères, en 1559, Rezenteyres, en 1571, Rezentières, en 1610, Ressentières, en 1635, Rezantières, en 1654, Resentière, en 1728 [2]. Resenteiras es l'equivalent de Rentières (nom francés), atestat Razanteyras, en 1373, Rezenterias, en 1392. Lo nom de las doás comunas vendriá d'un nom latin recentarius, « marchand de vin amb de glaça » (?), vengut nom de persona, amb un sufixe -as.[3]Recentarius es un derivat de recens, « fresc, joine, recent, novèl, o coma advèrbi recentament », çò que poiriá faire imaginar d'autres sens. La prononciacion, notada al borg (informatritz qu'aviá ausit los parents, mas que parlava pas), es [rœz ? nteirə] [4].
Fornòls. Las fòrmas ancianas son Fornols, al sègle XIV, Fournol, en 1401, Fournouls, en 1490, Fornoli, en 1502, Fournols, en 1584, Fornolz, Fournolz, en 1613, Fournals, en 1728 [5]. Fornòls es un derivat de forn, del latin furnus, amb lo sufixe latin -olum, coma Fornòls (Puèi de Doma). Aquels forns èran per faire de charbon, de tarralhas, de chauç o de veire [6],[7].
Istòria
La comuna de Fournols (nom francés, probablament Fornòls) chamgèt de nom en 1866 e venguèt oficialament Rézentières. Fornòls es un ancian vialatge disparegut, a un km al nòrd-èst de Resenteiras [8],[9].
.svg){kind=small}