Jòu. Las fòrmas ancianas son Jou, en 1237, Juou de subtus Montjou, al sègle XIV, Jou de subtus Monjou, en 1361, Jouz, en 1381, Jou Montozou, Jou sur Montzyou, en 1640, Jaou-soubz-Mon-Juou, en 1642, Jou-soubz-Mont-Jou, en 1669, Giou-sous-Mongoiu, en 1670, Juou, en 1674, Jou-soubz-Montiou, en 1688, Juou-soubs-Monjou, en 1696 [3]. Lo nom es interpretat pel nom de Jupitèr (Jovis, Jovem), tanlèu l'Edat Mejana per Montjòu (1281) e dins la literatura toponimica, per aqueste nom e d'autres aparentats; mas i a la possibilitat d'un crosament amb lo latin jugum, « acrin, cima de montanha » [4],[5] o lo gallés juris, « nautor boscosa ». Lo nom es a comparar amb Jòu de Mamon, tanben interpretat per Jovis, Jovem, a pauc de distància e los dos se son benlèu influenciats mutualament.
Montjòu. Las fòrmas ancianas son Mons Jovis, en latin, en 1281, Mansus de Montjuou, al sègle XIV, Castrum de Montjuson, 1381, Mongho, en 1522, Monjiou, en 1613, Moniou, en 1668, Montjou, en 1669 [6]. Es un nom de castèl, format sus Mont e lo nom de la parròquia.