Las fòrmas ancianas son Rillacum, en latin, en 999, Ralhacum, en latin, en 1402, Relhacum, en latin, en 1466, Reilhact, en 1522, Rillac, en 1525, Relhac, en 1566, Relhiac, Relliac, en 1624, Relihac, en 1626, Rellihac, Rilhac, en 1628, Reliac, en 1656, Reilhac, en 1679,[1]. Relhac ven d'un nom d'òme latin, Regilius o Regulius, amb lo sufixe -acum[2],[3], latinizacion del sufixe gallés -āco(n). Relhac èra donc probablament una anciana granda proprietat antica qu'aviá per mèstre Regilius o Regulius. D'unas atestacions en Ri- correspondon probablament a una realitat fonetica. Los noms de meteissa origina an sovent un tal vocalisme (Rilhac de Las Tors, Rilhac de Sentria, Rilhac de Trainhac, Rillé, Rillieux-la-Pape, etc).
Relhaguet (fòrmas ancianas Mansus de Ralhaguet, en 1402, Relhaguie, en 1517, Relaguet, en 1583, Relliaguet, en 1622, Relhagué, en 1623, Reillaguet, en 1626, Reilhaguetz, en 1629, Reilliaguet, en 1632, Reliaget, en 1635, Reilhaguet, en 1679, Riliaguet, en 1690, Relhaguet, en 1773, etc [4]) es un diminutiu de Relhac.
Messac. Las fòrmas ancianas son tròp tardivas e tròp francesas : Missac-lez-Reilhac, en 1628, Chasteau de Messac, en 1629, Meissac, en 1867 [5]. Messac es benlèu format del nom d'òme gallés Mascios o Mastios, citats per Delamarre [6] amb lo sufixe gallés -āco(n). Anciana proprietat antica ?
Onsac. Las fòrmas ancianas son Onsac, en 1531, Onsat (mapa de Cassini, a la fin del sègle XVIII), Ouzac, en 1857 [7]. La prononciacion es ns- o -nz- ? Sufixe gallés -āco(n) o atraccion grafica ? S'es una anciana proprietat gallo-romana, lo nom del mèstre poiriá èsser Onicius o *Unitius, citats per Dauzat e Rostaing [8].
Istòria
Aquesta seccion es voida, pas pro detalhada o incompleta. Vòstra ajuda es benvenguda !
De 1972 a 1982, Relhac fusionèt amb Naucèla (comuna de Naucèla e Relhac, oficialament en francés Naucelles-Reilhac), puèi tornèt venir comuna en 1982 [9]. La comba de Vaurelhas (amb La Reginie, Tourtoulou), siá quicòm coma 200 ectaras, siaguèt conservada per Naucèla quand las doás comunas siaguèron separadas tornamai.
Relhac siaguèt successivament dels cantons d'Orlhac, en 1793, d'Orlhac-sud, en 1801, d'Orlhac-1, en 1973, de Jussac, en 1985 [9] e, dempuèi la refòrma cantonala de 2014, aplicada en 2015, la comuna es del canton de Naucèla.
.svg){kind=small}