Mont Caret. Las fòrmas ancianas son Mons Caretus, en 1081, Montkaret, au sègle XVI [5]. La prononciacion es [mũnka’re] [1]. Lo prumièr element es mont, deu latin mons, montem, e lo segond seriá benlèu, segon Dauzat e Rostaing, lo pre-indoeuropèu *car-, « pèira » [6], o, segon lo site de las comunas de Dordonha, benlèu lo nom galloroman d'òme Caretus[1].
Montravèl. Aquò's lo nom d'un castèu, demolit au començament deu sègle XVII, situat sus un replanat en fòrma de sèrra dens la comuna de Mont Caret, au nòrd-èst de La Mòta e au nòrd-oèst de Mont caret. Las fòrmas ancianas son Capella... de Monte Revelli, en latin, en 1137, Castrum Monrevel, au sègle XII, Monte Revellum, en latin, en 1273, Mons Revellum, en latin, en 1306, Mont Revel en 1456 [7]. Lo nom es format de mont e de revèl « rebèl, que resistís », apellacion que se vòu menaçanta d'un « castèu que se laissariá pas prene » [7].
Istòria
Entre 1790 e 1794, Montravèl fuguèt annexat per Montcaret [8].
Comunas de Dordonha en Guiana (comunas actualas, comunas que contenon de comunas delegadas, ancianas comunas, ancianas comunas vengudas comunas delegadas)
.svg){kind=small}
