Las fòrmas ancianas son Sanctus Petrus de Auver, en 1053, Le Vert de Biron, en 1791
[2]. La prononciacion es [ɒl’βɛr] [1]. Dauzat e Rostaing, Tanet e Hordé interprètan Auver del sègle XI coma compausat de l'article contractat au (= al, a lo) e lo quite site de las comunas de Dordonha pensa que Vèrn ven del nom de l'aubre [2],[1],[3]. Mas aquel article contractat es encara al al sègle XXI e aviá pas de rason de prene una fòrma evolucionada al sègle XI. De mai, l'n finala de vèrn manca. Lo nom es estat atirat per al e per vèrn, aquò's aquò que cal escriure. Notem qu'un vèrn pòt pas èsser un aubre remarquable e que lo luèc es en situacion dominanta, pas umida donc. Per de las rasons foneticas, Auver representa pas tanpauc Arvernus, « Arvèrne, Auvernhat », nimai viridis, « verd ». Lo nom es enigmatic (gallés au, « luènh, separat » + uer(o), « super »; mas aquò fai pas sens; uiros, « òme », pas mai).
Bertis
Bertins ? Los Bertins ? Bertin, nom d'origina germanica.
Sent Sarnin
La fòrma del nom es probabla. Sent Sarnin pòrta lo nom de l'avesque de Tolosa, Saturninu(m), martirizat en 257. Las referéncias son per d'autres Sent/Sant Sarnin[4],[5].
Istòria
Aquesta seccion es voida, pas pro detalhada o incompleta. Vòstra ajuda es benvenguda !
En 1827, las comunas d'Al Vèrn, de Bertis-de-Biron, Saint-Michel-de-Biron e Saint-Cernin-de-Biron fuguèron annexadas a Biron. En 1840, la comuna d'Al Vèrn fuguèt restablida e recobrèt Bertis e Saint-Cernin[6]. Bertis es al sud de la comuna e Sent Sarnin al nòrd-èst.
Comunas de Dordonha en Guiana (comunas actualas, comunas que contenon de comunas delegadas, ancianas comunas, ancianas comunas vengudas comunas delegadas)
Aquesta seccion es voida, pas pro detalhada o incompleta. Vòstra ajuda es benvenguda !
.svg){kind=small}
