La prononciacion es [kuː’zur] [2].
Abans 1300, una atestacion dona Colsorn (veire lo paragrafe Istòria). La mapa de Cassini, entre 1756 e 1789, escriu Couzours.
Per Dauzat e Rostaing, lo nom del vilatge es escur; citan pasmens una atestacion de 1774, Coujours[3]. Los Féniés tractan pas la question[4]. Losite de las comunas de Dordonha interprèta un col sorne de l'ancian occitan, « lo pueg /terme / suquet sorne » e chausís una grafia aberranta en lemosin Colzorn[2](sorne se disiá sorn).
La fonetica perigòrda pòt explicar una prononciacion en -j-, d'una -s- intervocalica, e au revers. Colsorn se chamja regularament en Cousor(n), puèi en Cosor(n), eventualament articulat coma se fuguèsse Cojor. Probable qu'una -s finala (presenta dins las diferentas atestacions francesas) s'amudís, en supausant qu'aja agut una existéncia autra que grafica. La grafia Colzorn a una valor istorica, mas la grafia Cosorn (o benlèu Cosorns) pòt èsser la grafia modèrna, sos condicion de verificacion de la prononciacion dau nom dau vilatge e de la fonetica locala.
Istòria
Una charta anteriora a 1300 fai referéncia a la glèisa de Colsorn que daus istorians an associada a la comuna[5].
Sus la mapa de Cassini que representa la França entre 1756 e 1789, lo vilatge es identificat emb lo nom de Couzours.
Au temps de la creacion daus departaments en 1790, la comuna fasiá en prumier partida de la Corresa abans d'èstre estachada a la Dordonha, entau coma autras nueu comunas, en 1793. Èra dins lo canton d'Autafòrt que dependiá dau districte d'Eissiduelh. En 1800, quand suprimiguèron los districtes, lo canton d'Autafòrt fasquèt partida de l'arrondiment de Periguers.
Comunas de Dordonha en Guiana (comunas actualas, comunas que contenon de comunas delegadas, ancianas comunas, ancianas comunas vengudas comunas delegadas)
.svg){kind=small}
