La prononciacion es [‘kuʐɒ] [1]. Las fòrmas ancianas son Coza en 1117, Cosa en 1210, Prioratus Sanctus Stephani de Cosia, vulgo, « en realitat en francés » de Coze en 1471, Couse a la fin del sègle XIX [2]. Cosa ven del nom de l'aiga[2],[3],[1].
Sent Front
La prononciacion es [ʂɛ̃n’frũn] [1]. Las fòrmas ancianas son Sanctus Fronto als colors en 1276, Sanctus Fronto super Flumine de Dordonia en 1289, Sanctus Fronto de Corolio prope Lindiam al sègle XIV (en latin), Saint Front de Colors en 1471, Saint Front de Colloreis en 1742 [4].
Segon Chantal Tanet e Tristan Hordé, las fòrmas colors, Corolio, Colloreis, emb de metatèsis (càmbiament de plaça de r e de l), representarián l'ancian occitan colaura, del latin coluber, colòbra. La capèla de Saint-Front-de-Colubri (en francés), qu'èra de Coulaury al sègle XIX. Lo mot colors se ditz d'una aparéncia enganaire e a poscut influénciar lo nom. Veire Colòures. I a una legenda qu'explica lo nom del vilatge. En fàcia de La Linda un dragon (l'un passa aisidament de las sèrps als dragons), viviá dins una cròsa del bauç. L'apelavan lo Colòbre. Terrorizava la populacion. Sent Front agèt pietat dels òmes e traversèt l'aiga, montèt a la cròsa e fasquèt lo signe de la crotz, li comandèt de tornar a l'Ocean e de quitar lo país poblat dels òmes. Lo Colòbre se roncèt dins la Dordonha e lo tornèron pas jamai veire (segon lo R.P. Carles, Dictionnaire des Paroisses du Périgord, 1884, p. 182) [4],[5].
Sent Front, en latin Sanctus Fronto, es un sent mièg legendari, discípol del Crist. Auriá evangelizat lo Perigòrd e seriá vengut avesque de Peireguers (al sègle III e IV), mas lo primièr avesque de Peireguers coneissut es Paternus, en 365 [6],[7],[1].
Istòria
En 1829, la comuna de Sent Front fusquèt incorporada a Cosa [8].
Comunas de Dordonha en Guiana (comunas actualas, comunas que contenon de comunas delegadas, ancianas comunas, ancianas comunas vengudas comunas delegadas)
.svg){kind=small}
